പാക്കിസ്ഥാൻ ജനത നിയന്ത്രണമില്ലാത്ത കോവിഡ് മഹാരോഗം മൂലം വലയുന്നു. ഗവൺമെന്റിന്റെ കാര്യക്ഷമമല്ലാത്ത പ്രവർത്തനവും, ക്ഷമയില്ലാത്ത ആരോഗ്യപ്രവർത്തകരും പാകിസ്ഥാനിൽ വളരെപ്പെട്ടെന്നാണ് കോവിഡ് രോഗബാധ പടർന്നു പിടിക്കാൻ ഇടയാക്കുന്നത്.കോവിഡ് പോസിറ്റീവ് സ്വീകരിച്ചവരുടെ എണ്ണം ആയിരം കടന്നു. സിന്ധു മേഖലയിൽ മാത്രം 400 രോഗികളുണ്ട്.കിഴക്കൻ പഞ്ചാബിൽ, 296 പോസിറ്റീവ് കേസുകൾ സ്വീകരിച്ചിട്ടുണ്ട്. പാകിസ്ഥാനിൽ ഏഴ് മരണമാണ് ഔദ്യോഗികമായി റിപ്പോർട്ട് ചെയ്യപ്പെട്ടിട്ടുള്ളതെങ്കിലും, തിരിച്ചറിയപ്പെടാതെ പോയ മരണങ്ങൾ ഒരുപാട് ഉണ്ടാവാനാണ് സാധ്യത.യാത്ര പശ്ചാത്തലമില്ലാത്ത രോഗികളിൽ, നിരവധി പേർക്ക് വൈറസ് ബാധ സ്ഥിരീകരിച്ചിട്ടുണ്ട്.
കൊറോണ രൂക്ഷമായ മരണം വിതച്ച ഇറാനിൽ നിന്നും തീർഥാടനം കഴിഞ്ഞെത്തിയവരായിരുന്നു പാകിസ്ഥാനിലേക്ക് രോഗമെത്തിച്ചത്. തീവണ്ടി, അന്താരാഷ്ട്ര വ്യോമ ഗതാഗതങ്ങൾ നിരോധിക്കുക മാത്രമാണ് പാകിസ്ഥാൻ എടുത്തിട്ടുള്ള മുൻകരുതൽ നടപടി.
