കോവിഡ്-19 രാജ്യം മുഴുവൻ പടർന്ന് പിടിക്കുമ്പോൾ പൗരന്മാരെ ബോധവൽക്കരിക്കാൻ വേണ്ടി വാട്ട്സ്ആപ്പ് ,ഫെയ്സ്ബുക്ക് മെസ്സഞ്ചറിൽ ചാറ്റ് ബോട്ട് ആരംഭിച്ച് കേന്ദ്രസർക്കാർ. കേന്ദ്ര സർക്കാരിന്റെ ജനപങ്കാളിത്ത, ജനസമ്പർക്ക പ്ലാറ്റ്ഫോമായ മൈഗവ്, കേന്ദ്ര ആരോഗ്യമന്ത്രാലയം എന്നിവർ ചേർന്നാണ് കോവിഡ്-19-നെ പറ്റിയുള്ള സമ്പൂർണ്ണ സംശയനിവാരണത്തിന് വേണ്ടി ചാറ്റ് ഹെൽപ്ഡസ്ക് ആരംഭിച്ചത്.
മൈ ഗവ് സി.ഇ.ഒ അഭിഷേക് സിംഗാണ് ട്വിറ്റർ വഴി ഈ വിവരം പൊതുജനങ്ങളെ അറിയിച്ചത്.കോവിഡ് രോഗബാധിതരും, രോഗലക്ഷണം ഉള്ളവരും, ചെയ്യേണ്ട കാര്യങ്ങളും, രോഗബാധ വരാതിരിക്കാൻ വേണ്ട മുൻകരുതലുകളും തുടങ്ങി സമ്പൂർണ്ണ വിവരങ്ങളും പൊതുജനങ്ങൾക്ക് വേണ്ടി ഇവിടെ പങ്കു വെയ്ക്കപ്പെടും.
9013151515എന്ന നമ്പറിലാണ് വാട്സപ്പിന്റെ ചാറ്റ് ഹെൽപ്ഡസ്ക്.താഴെക്കാണുന്നതാണ് ഫേസ്ബുക്ക് മെസെഞ്ചറിന്റെ ഹെൽപ്ഡസ്ക് ലിങ്ക്.
