ഐ.സി.എസ്.ഇ,ഐ.എസ്.സി സിലബസുകൾ : പരീക്ഷകൾ ജൂലൈയിൽ നടത്തുമെന്ന് അധികൃതർ

ന്യൂഡൽഹി: ഐ.എസ്.സി, ഐ.സി.എസ്.ഇ, സിലബസുകളിലെ ഇനി നടത്താനുള്ള പരീക്ഷകൾ ജൂലൈയിൽ നടത്തും.പ്ലസ്ടു വിലെ 8 പരീക്ഷകളും പത്തിലെ 6 പരീക്ഷകളുമാണ് ഇനി നടത്താനുള്ളത്.ലോക്ക്ഡൗൺ കാരണം പരീക്ഷകളെല്ലാം മാറ്റി വെയ്ക്കുകയായിരുന്നു.

പത്താം ക്ലാസ് പരീക്ഷാ ജൂലൈ രണ്ട് മുതൽ 12 വരെയും പ്ലസ് ടു പരീക്ഷകൾ ജൂലൈ ഒന്ന് മുതൽ 14 വരെയും ആയിരിക്കും നടത്തുക.പത്താം ക്ലാസ്സിൽ ഇനി ജിയോഗ്രഫി പേപ്പർ 2, ബയോളജി പേപ്പർ 3, ഇക്കണോമിക്സ്, ഹിന്ദി പേപ്പർ 4 എന്നിവയുടെ പരീക്ഷകളാണ്‌ നടക്കാനുള്ളത്.പ്ലസ് ടുവിൽ ഇനി പരീക്ഷാ നടത്താൻ ബാക്കിയുള്ളത് ബയോളജി പേപ്പർ 1, ബിസിനസ് സ്റ്റഡീസ്, സൈക്കോളജി, ജിയോഗ്രഫി സോഷ്യോളജി, ഹോം സയൻസ് പേപ്പർ 1, എഫക്ടീവ് ഇംഗ്ലീഷ്, ആർട്ട് പേപ്പർ 5 എന്നീ വിഷയങ്ങളാണ്.