കൊല്ലം: ഉത്ര വധക്കേസില് അറസ്റ്റ് മുന്കൂട്ടി കണ്ട് സൂരജ് പ്രവര്ത്തിച്ചിരുന്നതായി അന്വേഷണ സംഘം നിഗമനത്തിലെത്തി. അറസ്റ്റിലാകുന്നതിന് തൊട്ടുമുമ്പ് പ്രതി സൂരജിന് നിയമോപദേശം ലഭിച്ചിട്ടുണ്ടെന്നാണ് അന്വേഷണ സംഘത്തിന് ലഭിച്ചിരിക്കുന്ന വിവരം.
ഉത്ര വധകേസില് 24 നാണ് അന്വേഷണ സംഘം സൂരജിനെ അറസ്റ്റ് ചെയ്തത്. എന്നാല്, ദിവസങ്ങള്ക്ക് മുമ്പേ തന്നെ താന് പിടിയിലാകുമെന്ന് സൂരജിന് ബോധ്യമുണ്ടായിരുന്നു. അറസ്റ്റിന് മണിക്കൂറുകള്ക്ക് മുമ്പ് അടൂര് പറക്കോട്ടെ സ്വന്തം വീടിന് സമീപത്തുള്ള അഭിഭാഷകനുമായി സൂരജ് കൂടികാഴ്ച നടത്തിയിരുന്നു. കൂടിക്കാഴച നടത്തിയ ശേഷം വീട്ടില് സൂരജ് വാഹനത്തില് മടങ്ങുന്ന ദൃശ്യങ്ങള് ക്രൈംബ്രാഞ്ച് സംഘത്തിന് ലഭിച്ചു.
സ്വര്ണം സൂക്ഷിച്ചിരിക്കുന്ന ബാങ്ക് ലോക്കര് ഉടന് തുറന്ന് പരിശോധിക്കും. ഉത്രയ്ക്ക് പാമ്പ് കടിയേറ്റ മാര്ച്ച് രണ്ടിന് ബാങ്കിലെത്തി ലോക്കര് സൂരജ് തുറന്നിരുന്നുവെന്ന കാര്യം നേരത്തെ തന്നെ അന്വേഷണ സംഘം വ്യക്തമാക്കിയിരുന്നു. കഴിഞ്ഞ ഒരു വര്ഷത്തിനിടെ സൂരജ് വിളിച്ച ഫോണ് കോള് വിവരങ്ങളും ക്രൈംബ്രാഞ്ച് സംഘം പരിശോധിച്ചു. ഇയാള് ആരെയോക്കെയായി ബന്ധപ്പെട്ടിട്ടുണ്ട് എന്നറിയാനാണ് കോള് വിവരങ്ങള് ശേഖരിച്ചത്. സ്വര്ണാഭരണങ്ങള് സൂക്ഷിച്ചിട്ടുള്ള അടൂരിലെ ദേശസാല്കൃത ബാങ്കിലെ ലോക്കറില് അന്വേഷണസംഘം വരും ദിവസം പരിശോധന നടത്തും. കഴിഞ്ഞ ദിവസം സൂരജുമായി അന്വേഷണ സംഘം എത്തിയെങ്കിലും ലോക്കര് തുറന്ന് പരിശോധിക്കാന് ബാങ്ക് അധികൃതര് അനുവാദം നല്കിയില്ല. നടപടി ക്രമങ്ങള് പാലിക്കാത്തതിനാലാണ് അനുമതി നല്കാതിരുന്നത്.
പാമ്പ് കടിയേറ്റ മാര്ച്ച് രണ്ടിന് സൂരജ് ബാങ്കില് എത്തിയിരുന്നുവെന്ന മൊഴിയുടെ അടിസ്ഥാനത്തില് ആ ദിവസത്തെ സി.സി.ടി.വി ദൃശ്യങ്ങള് അന്വേഷണ ഉദ്യോഗസ്ഥര് ബാങ്കില് നിന്ന് അടുത്ത ദിവസം ശേഖരിക്കും. ദൃക്സാക്ഷികളില്ലാത്ത കേസില് പരമാവധി തെളിവുകള് ശേഖരിക്കാനാണ് അന്വേഷണ സംഘത്തിന്റെ ശ്രമം. 29 വരെയാണ് സൂരജിനെ പൊലീസ് കസ്റ്റഡില് വിട്ടു കൊടുത്തിരിക്കുന്നത്.
Discussion about this post