യുദ്ധത്തിലൂടെയല്ലാതെ ഇന്ത്യ വിചാരിച്ചാൽ ചൈനയ്ക്ക് വളരെ നിസ്സാരമായി പണി കൊടുക്കാൻ പറ്റുമെന്ന് എൻജിനീയറും ശാസ്ത്രജ്ഞനുമായ സോനം വാങ്ചുക്.അഞ്ച് ലക്ഷം കോടി രൂപയാണ് വ്യവസായത്തിലൂടെ ഇന്ത്യയിൽ നിന്നും ചൈന പ്രതിവർഷം ഉണ്ടാക്കി കൊണ്ടു പോകുന്നത്. ഇതേ പണം ഉപയോഗിച്ചു വാങ്ങുന്ന അത്യാധുനിക ആയുധങ്ങൾ ഉപയോഗിച്ചാണവർ അതിർത്തിയിൽ നമ്മളുടെ സൈനികരെ കൊല്ലുന്നത്.
“ഒരാഴ്ച കൊണ്ട് ടിക് ടോക് ഉപയോഗം നിർത്തുക, ഒരു വർഷം കൊണ്ട് ചൈനീസ് നിർമ്മിത ഹാർഡ് വെയറുകളും ഒഴിവാക്കുക. അതിർത്തിയിൽ നമ്മുടെ സൈനികർ ബുള്ളറ്റുകൾ കൊണ്ട് മറുപടി പറയുമ്പോൾ, നമ്മുടെ വാലറ്റുകൾ കൊണ്ട് നമുക്കും ചൈനയ്ക്കു മറുപടി കൊടുക്കാം.130 കോടി ഇന്ത്യക്കാരും, ഇന്ത്യക്ക് പുറത്തുള്ള 3 കോടി പ്രവാസികളും വിചാരിച്ചാൽ നിഷ്പ്രയാസം ചൈനയിൽ കനത്ത ആഘാതമേൽപ്പിക്കാൻ സാധിക്കും” എന്നാണ് സോനം വാങ്ചുക് പുറത്തുവിട്ട വീഡിയോയിൽ പറയുന്നത്.സൂപ്പർഹിറ്റ് ബോളിവുഡ് ചലച്ചിത്രമായ ത്രീ ഇഡിയറ്റ്സിലെ അമീർ ഖാൻ റെ നായക കഥാപാത്രമായ ഫുൻസുക് വാങ്ഡു, സോനം വാങ്ചുകിൽ നിന്നും പ്രചോദനമുൾക്കൊണ്ടാണ് സൃഷ്ടിക്കപ്പെട്ടിരിക്കുന്നത്. ലോക പ്രശസ്ത മോഡലും ബോളിവുഡ് അഭിനേതാവുമായ മിലിന്ദ് സോമനും സോനം വാങ്ചുകിന്റെ അഭിപ്രായത്തെ പിന്തുണച്ച്, ചൈനീസ് ഉൽപന്നങ്ങൾ ബഹിഷ്കരിക്കണമെന്ന് അഭ്യർത്ഥിച്ച് രംഗത്തു വന്നിട്ടുണ്ട്.
Discussion about this post