ഇന്ത്യയും ചൈനയും തമ്മിലുള്ള സംഘർഷങ്ങൾ മുറുകുമ്പോൾ പിന്തുണയുമായി ഇന്ത്യൻ ജനത.ചൈനീസ് ആപ്പുകൾ ഫോണിൽ നിന്നും നീക്കം ചെയ്യുന്ന ‘റിമൂവ് ചൈന ആപ്പ്സ്‌’ എന്ന ആപ്ലിക്കേഷൻ പുറത്തിറക്കി ജയ്പൂർ സ്റ്റാർട്ട്‌അപ്പ്‌ കമ്പനി. വൺ ടച്ച് ആപ്പ് ലാബ്സ് നിർമ്മിച്ചിരിക്കുന്ന ഈ ആപ്പ് ഇതുപയോഗിക്കുന്ന ആളുടെ ഫോണിലുള്ള ചൈനീസ് നിർമിത ആപ്പുകൾ കണ്ടുപിടിക്കുകയും അത്തരത്തിലുള്ള ആപ്പുകൾ എളുപ്പത്തിൽ അൺഇൻസ്റ്റാൾ ചെയ്യാൻ സഹായിക്കുകയും ചെയ്യുന്ന തരത്തിലുള്ളതാണ്. മെയ് 17 ന് പുറത്തിറക്കിയ ഈ ആപ്പിന് വൻ സ്വീകാര്യതയാണ് ലഭിക്കുന്നത്.
രണ്ടാഴ്ചയ്ക്കുള്ളിൽ ഒരു മില്യൻ ആളുകൾ “റിമൂവ് ചൈന ആപ്പ്സ്‌ ” ഡൗൺലോഡ് ചെയ്തു കഴിഞ്ഞു എന്നാണ് വിവരങ്ങൾ.ഗൂഗിൾ പ്ലേ സ്റ്റോറിൽ നിലവിൽ ഒന്നാം സ്ഥാനത്തുള്ള ഫ്രീ ആപ്പ് “റിമൂവ് ചൈന ആപ്പ്സ്‌ “ആണ്. ഒരാഴ്ച കൊണ്ട് ടിക് ടോക് ഉപയോഗം നിർത്താനും ഒരു വർഷം കൊണ്ട് മൊബൈൽ ഫോണുകൾ അടക്കമുള്ള ചൈനീസ് നിർമ്മിത ഹാർഡ് വെയറുകൾ ഒഴിവാക്കാനുമൊക്കെ നിർദേശിച്ച് എൻജിനീയറും ശാസ്ത്രജ്ഞനുമായ സോനം വാങ്‌ചുക്,ബോളിവുഡ് താരം അർഷദ് വാർസി,ലോകപ്രശസ്ത മോഡലും നടനുമായ മിലിന്ദ് സോമൻ എന്നിവരും രംഗത്തു വന്നിരുന്നു.ഇതിനു പിന്നാലെയാണ് “റിമൂവ് ചൈന ആപ്പ്സ്‌ “ന്റെ ഈ മുന്നേറ്റം
