ഡൽഹി : രണ്ടാം നരേന്ദ്ര മോദി സർക്കാർ ഒരു വർഷം പൂർത്തിയാക്കിയതിനു ശേഷമുള്ള ആദ്യ മന്ത്രിസഭാ യോഗം ഇന്ന് ഡൽഹിയിൽ നടക്കും.കോവിഡ് വ്യാപനത്തിന്റെ പശ്ചാത്തലത്തിൽ കോവിഡിനെ നേരിടുന്നതിനായി പ്രഖ്യാപിച്ച പാക്കേജിന്റെ തുടർനടപടികളടക്കം പല നിർണായക തീരുമാനങ്ങളും ഈ മന്ത്രിസഭായോഗത്തിൽ ഉണ്ടായേക്കുമെന്നാണ് റിപ്പോർട്ടുകൾ.രാജ്യത്തെ സ്ഥിതിഗതികളും കേന്ദ്രമന്ത്രിസഭാ യോഗം വിലയിരുത്തും.
കഴിഞ്ഞ ദിവസം അഞ്ചാം ലോക്ക്ഡൗൺ നിയന്ത്രണങ്ങളുമായി ബന്ധപ്പെട്ട് മാർഗനിർദേശങ്ങൾ കേന്ദ്രസർക്കാർ പുറത്തിറക്കിയിരുന്നു.എന്നാൽ, ചില സംസ്ഥാനങ്ങളിൽ കോവിഡിന്റെ വ്യാപനം നിയന്ത്രിക്കാനായിട്ടില്ലാത്തതിനാൽ ഈ മാർഗനിർദേശങ്ങളുമായി മുഴുവനായി സഹകരിക്കാൻ പല സംസ്ഥാനങ്ങൾക്കും കഴിഞ്ഞിട്ടില്ല.രാജ്യത്തിന്റെ സാമ്പത്തിക സ്ഥിതി പൂർവനിലയിലാവാൻ ഇനിയും സമയമെടുക്കുമെന്നാണ് ഇതെല്ലാം സൂചിപ്പിക്കുന്നത്.
Discussion about this post