വാഷിംഗ്ടൺ: അമേരിക്കയിൽ വർണ്ണ വിവേചനത്തിനെതിരായ പ്രക്ഷോഭത്തിന്റെ മറവിൽ അക്രമം. വാഷിംഗ്ടണിലെ ഇന്ത്യൻ എംബസിക്ക് മുന്നിലെ ഗാന്ധി പ്രതിമ കലാപകാരികൾ തകർത്തു. സംഭവത്തിൽ പൊലീസ് അന്വേഷണം ആരംഭിച്ചു.
വാഷിംഗ്ടണിലെ ഗാന്ധി പ്രതിമ തകർത്ത സംഭവത്തിൽ ഇന്ത്യയിലെ അമേരിക്കൻ സ്ഥാനപതി ഖേദം പ്രകടിപ്പിച്ചു. ഏത് തരത്തിലുള്ള മുൻവിധികൾക്കും വിവേചനങ്ങൾക്കും സർക്കാർ എതിരാണെന്നും അദ്ദേഹം അറിയിച്ചു.
അതേസമയം ജോർജ്ജ് ഫ്ലോയിഡിന്റെ കൊലപാതകത്തെ തുടർന്ന് അമേരിക്കയിൽ പൊട്ടിപ്പുറപ്പെട്ട പ്രതിഷേധങ്ങൾ തെരുവിൽ തുടരുകയാണ്. വാഷിംഗ്ടണിലും ന്യൂയോർക്കിലുമായി ആരംഭിച്ച പ്രതിഷേധങ്ങൾ രാജ്യമെമ്പാടും വ്യാപിച്ച പശ്ചാത്തലത്തിൽ നാൽപ്പതോളം നഗരങ്ങളിൽ കർഫ്യൂ പ്രഖ്യാപിച്ചിരിക്കുകയാണ്. വർണ്ണ വിവേചനം ഇല്ലാതാക്കാനും കറുത്ത വർഗ്ഗക്കാരുടെ ജീവിത സാഹചര്യങ്ങൾ മികവുറ്റതാക്കാനും തന്റെ സർക്കാർ നിരവധി പദ്ധതികൾ നടപ്പിലാക്കിയതായും നിർഭാഗ്യകരമായ സംഭവങ്ങൾ മുതലെടുപ്പിന് ഉപയോഗിക്കുന്നത് അപലപനീയമാണെന്നും അമേരിക്കൻ പ്രസിഡന്റ് ഡൊണാൾഡ് ട്രമ്പ് വ്യക്തമാക്കി.
Discussion about this post