ആസാമിൽ കത്തിയെരിഞ്ഞു കൊണ്ടിരിക്കുന്ന എണ്ണക്കിണർ അണയ്ക്കാനുള്ള ശ്രമത്തിൽ രണ്ട് അഗ്നിശമനസേന പ്രവർത്തകർ മരിച്ചു.ഇരുവരുടെയും മൃതദേഹം കണ്ടെടുത്തിട്ടുണ്ട്.സമീപ മേഖലകളിൽ തീപടർന്നതിനാൽ അൻപതിലധികം വീടുകളും കത്തിനശിച്ചു.ആസാമിലെ ടിൻസുകിയ ജില്ലയിലുള്ള ബാഗ്ജാനിലെ ഓയിൽ ഇന്ത്യ ലിമിറ്റഡിന്റെ ഉടമസ്ഥതയിലുള്ളതാണ് എണ്ണക്കിണർ.
രണ്ടാഴ്ച മുൻപുണ്ടായ ഒരു പൊട്ടിത്തെറിക്ക് ശേഷം ഇതിൽ നിന്നും ചോർച്ച ഉണ്ടെന്നാണ് സമീപവാസികൾ പറയുന്നത്.കഴിഞ്ഞ 15 ദിവസമായി കിണറിൽ നിന്നും നിർത്താതെ ഗ്യാസ് വമിക്കുകയാണ്.ചൊവ്വാഴ്ച ഇതിനു തീപിടിച്ചതോടെ പ്രശ്നങ്ങൾ കൂടുതൽ വഷളായി.ദേശീയ, സംസ്ഥാന ദുരന്ത നിവാരണ സേനകളുടെ പ്രവർത്തകർ സ്ഥിതിഗതികൾ നിയന്ത്രണത്തിലാക്കാൻ പരമാവധി ശ്രമിക്കുന്നുണ്ട്.
Discussion about this post