ഡൽഹി : തലസ്ഥാനത്ത് കോവിഡ് രോഗബാധ തീവ്രഗതിയിൽ വ്യാപിക്കുന്ന സാഹചര്യത്തിൽ, പ്രവർത്തനങ്ങൾ ഏകോപിപ്പിക്കാൻ ഇടപെട്ട് പ്രധാനമന്ത്രി നരേന്ദ്രമോദി.രോഗബാധ നിയന്ത്രണവിധേയമാക്കാനുള്ള നടപടികൾ ആലോചിക്കാൻ മുഖ്യമന്ത്രി അരവിന്ദ് കെജ്‌രിവാൾ, ലഫ്റ്റനന്റ് ഗവർണർ അനിൽ ബൈജാൽ എന്നിവരുമായി അടിയന്തര ചർച്ച നടത്താൻ കേന്ദ്ര ആഭ്യന്തരമന്ത്രി അമിത് ഷായ്ക്ക് പ്രധാനമന്ത്രി നിർദ്ദേശം നൽകി.
കേന്ദ്ര ആരോഗ്യമന്ത്രി ഹർഷവർദ്ധനും ചർച്ചയിൽ പങ്കെടുക്കും.കേന്ദ്ര-സംസ്ഥാന സർക്കാരുകളിലെ മുതിർന്ന ഉദ്യോഗസ്ഥരെയും ചർച്ചയിൽ പങ്കെടുപ്പിക്കണമെന്ന് നരേന്ദ്രമോദി പറഞ്ഞു.കോവിഡിനെ നേരിടാൻ രണ്ടു ഭരണകൂടങ്ങളും പരസ്പരം സഹകരിക്കണമെന്നും പ്രധാനമന്ത്രി നിർദ്ദേശിച്ചു.
Discussion about this post