ന്യൂഡൽഹി : ഡൽഹിയിലെ തെരുവുകളിൽ ലോക്ഡൗണിനിടയിൽ നടക്കുന്ന കുറ്റകൃത്യങ്ങൾ തടയാൻ പോലീസ് കൂടുതൽ ജാഗ്രതയോടെ പ്രവർത്തിക്കണമെന്ന് ആവശ്യപ്പെട്ട് ഡൽഹിയുടെ ലഫ്റ്റനന്റ് ഗവർണർ അനിൽ ബൈജാൽ.ഡൽഹി പൊലീസിലെ ഉന്നത ഉദ്യോഗസ്ഥരോട് സംസ്ഥാനത്തെ ക്രമസമാധാനത്തെ കുറിച്ച് ചർച്ച ചെയ്യുമ്പോഴാണ് അദ്ദേഹം ഇക്കാര്യം നിർദേശിച്ചത്.
മുതിർന്ന ആളുകളുടെയും ഒറ്റയ്ക്ക് പോകുന്ന സ്ത്രീകളുടെയും സുരക്ഷ ഉറപ്പുവരുത്തണമെന്ന് അദ്ദേഹം പോലീസ് ഉദ്യോഗസ്ഥരോട് പറഞ്ഞു. കുറ്റകൃത്യങ്ങൾ കൂടുതലായി നടക്കുന്ന പ്രദേശങ്ങളിലും സംസ്ഥാന അതിർത്തിയിലും കൂടുതൽ ശ്രദ്ധ കേന്ദ്രീകരിക്കണമെന്നും നിയമ വിരുദ്ധമായ പ്രവർത്തനങ്ങൾ നടക്കുന്നുണ്ടോയെന്ന് പരിശോധിക്കണമെന്നും ഡൽഹിയുടെ ഗവർണർ അനിൽ ബൈജാൽ പോലീസിന് നിർദേശം നൽകിയിട്ടുണ്ട്.കോവിഡിനെതിരെ പൊരുതാൻ ശക്തമായി കൂടെ നിന്ന എല്ലാ പോലീസ് ഉദ്യോഗസ്ഥരെയും ഗവർണർ അഭിനന്ദിക്കുകയും ചെയ്തു.
Discussion about this post