‘1921’ സിനിമയ്ക്കായി ലഭിച്ച സംഭാവന തുക വെളിപ്പെടുത്തി സംവിധായകന് അലി അക്ബര്. താന് സംവിധാനം ചെയ്യുന്ന ചിത്രം ക്രൗഡ് ഫണ്ടിംഗ് വഴിയാവും നിര്മ്മിക്കുകയെന്ന് അലി അക്ബര് പറഞ്ഞിരുന്നു. പിന്നാലെ സംഭാവന സ്വീകരിക്കുന്ന അക്കൗണ്ട് വിവരങ്ങളും സംവിധായകന് ഫേസ്ബുക്കിലൂടെ പുറത്തുവിട്ടിരുന്നു. രണ്ടു ദിവസത്തിനകം ഈ അക്കൗണ്ടിലേക്കു ലഭിച്ച തുക എത്രയാണെന്നും അലി അക്ബര് പുറത്തുവിട്ടു.
16.30 ലക്ഷത്തോളം രൂപയാണ് രണ്ടു ദിവസം കൊണ്ടു ലഭിച്ചതെന്ന് അലി അക്ബര് പറയുന്നു. ഇരുപത്തഞ്ചും അമ്പതും രൂപയില് തുടങ്ങി അമ്പതിനായിരം വരെ നല്കിയവരുണ്ടെന്നും ഫോണിലൂടെ അഭിനന്ദനങ്ങളും ഭീഷണികളും ലഭിക്കുന്നുണ്ടെന്നും അലി അക്ബര് ഫേസ്ബുക്കിലൂടെ വ്യക്തമാക്കി.
50,000 തന്നിട്ട് അടുത്ത 50,000 അടുത്ത മാസം അയക്കും, ഷൂട്ടിംഗിന്റെ സമയത്ത് വീണ്ടും ഒരു ലക്ഷം അയക്കും എന്നൊക്കെ പറയുന്നവര് പോലുമുണ്ട്. കൊവിഡ് കാലത്ത് പലര്ക്കും ജോലിയോ വരുമാനമോ ഇല്ല. എന്നിട്ടും രണ്ടു ദിവസം കൊണ്ട് 16 ലക്ഷത്തിലധികം രൂപ വന്നു എന്നു പറഞ്ഞാല് മഹാത്ഭുതമാണെന്നും അലി അക്ബര് പറഞ്ഞു. കുടുംബത്തെക്കുറിച്ച് മോശം പ്രചരണം നടത്തിയവര്ക്കെതിരെ നിയമനടപടി സ്വീകരിക്കുമെന്നും അദ്ദേഹം കൂട്ടിച്ചേർത്തു.
അലി അക്ബറിന്റെ ചിത്രത്തിന് പിന്തുണയുമായി മേജര് രവിയും എത്തിയിട്ടുണ്ട്. തന്റെ ജനകീയ സിനിമയ്ക്കു മേജര് രവി പിന്തുണ നല്കിയിട്ടുണ്ട് എന്നും അതുപോലെ ഛായാഗ്രാഹകനായ അദ്ദേഹത്തിന്റെ മകന്റെ സേവനം ഈ ചിത്രത്തിന് അദ്ദേഹം വാഗ്ദാനം ചെയ്തിട്ടുണ്ടെന്നും അലി അക്ബര് അറിയിച്ചിരുന്നു.
https://www.facebook.com/photo.php?fbid=10224235908951789&set=a.1925157975031&type=3&theater
വാരിയംകുന്നത്ത് കുഞ്ഞഹമ്മദ് ഹാജിയെ വില്ലനായി അവതരിപ്പിക്കുന്ന സിനിമയാണ് അലി അക്ബര് പ്രഖ്യാപിച്ചത്.
Discussion about this post