തിരുവനന്തപുരം: സംസ്ഥാനത്തെ പ്ലസ് ടു, വി എച്ച് എസ് ഇ പരീക്ഷാഫലം പ്രസിദ്ധീകരിച്ചു. പരീക്ഷയെഴുതിയവരിൽ 85.13 ശതമാനം പേർ ഉപരിപഠനത്തിന് അർഹരായതായി വിദ്യാഭ്യാസ മന്ത്രി സി രവീന്ദ്രനാഥ് അറിയിച്ചു.
സയന്സ് 88.62 ശതമാനം, ഹ്യുമാനിറ്റീസ് 77.76 ശതമാനം, കൊമേഴ്സ് 84.52 ശതമാനം ടെക്നിക്കല് – 87.94. ആര്ട് (കലാമണ്ഡലം)- 98.75 ശതമാനം എന്നിങ്ങനെയാണ് വിവിധ സബ്ജക്ട് ഗ്രൂപ്പുകളിലെ വിജയശതമാനം.
3,75,655 വിദ്യാര്ഥികളാണ് ഇത്തവണ പ്ലസ്ടു പരീക്ഷയെഴുതിയത്. ഇതില് 3,19,782 പേര് വിജയിച്ചു. 84.33 ആയിരുന്നു 2019-ലെ വിജയശതമാനം. കോവിഡ് വ്യാപനത്തിന്റെ പശ്ചാത്തലത്തില് രണ്ടു ഘട്ടമായാണ് ഇത്തവണ പരീക്ഷ നടന്നത്.
വിദ്യാര്ഥികള്ക്ക് keralaresults.nic.in, results.itschool.gov.in, dhsekerala.gov.in, prd.kerala.gov.in എന്നീ വെബ്സൈറ്റുകള്വഴി ഫലം അറിയാനാകും. PRD Live, Saphalam 2020, iExaMS എന്നീ മൊബൈല് ആപ്പുകളിലും ഫലം ലഭ്യമാണ്.
Discussion about this post