സൂപ്പർ താരം പ്രഭാസിന്റെ പുതിയ ചിത്രം പ്രഖ്യാപിച്ചു. വൈജയന്തി ഫിലിംസിന്റെ ബാനറിൽ അശ്വിനി ദത്ത നിർമ്മിക്കുന്ന ചിത്രം സംവിധാനം ചെയ്യുന്നത് ദുൽഖർ സൽമാൻ- കീർത്തി സുരേഷ് താരജോഡികളുടെ ശ്രദ്ധേയ ചിത്രമായ ‘മഹാനടി‘ ഒരുക്കിയ നാഗ് അശ്വിനാണ്.
മുന്നൂറ് കോടിയിലധികം മുതൽമുടക്കിൽ തെലുങ്കിൽ തയാറാക്കുന്ന ഈ ബ്രഹ്മാണ്ഡ ചിത്ര൦ തമിഴ്, മലയാളം, ഹിന്ദി, ഇംഗ്ലീഷ് തുടങ്ങിയ ഭാഷകളിലും റിലീസ് ചെയ്യും. ഇതിനു പുറമേ, മാറ്റ് ഭാഷകളിലേക്കും ചിത്രം മൊഴിമാറ്റം ചെയ്യും. സാങ്കല്പ്പിക മൂന്നാം ലോക മഹായുദ്ധത്തിന്റെ പശ്ചാത്തലത്തിൽ ഒരുങ്ങുന്ന ചിത്രത്തിൽ ബോളിവുഡ് സുന്ദരി ദീപിക പദുകോൺ ആണ് നായിക.
ബിഗ് ബജറ്റ് സയന്സ് ഫിക്ഷന് എന്റര്ടെയ്നിംഗ് ചിത്രമാണിതെന്നും പോസ്റ്റ് പ്രൊഡക്ഷന് കുറഞ്ഞത് ആറുമാസം സമയമെടുക്കുമെന്നും അണിയറ പ്രവർത്തകർ സൂചിപ്പിക്കുന്നു. വൈജയന്തി ഫിലിംസിന്റെ അമ്പതാം വാർഷിക വേളയിൽ പ്രഖ്യാപിക്കപ്പെട്ടിരിക്കുന്ന ചിത്രം 2022 ഏപ്രില്-മെയ് മാസങ്ങളിൽ റിലീസ് ചെയ്യാനാണ് തീരുമാനിച്ചിരിക്കുന്നത്.
ബാഹുബലിക്ക് ശേഷം പുറത്തിറങ്ങിയ പ്രഭാസിന്റെ ‘സാഹോ‘ എന്ന ചിത്രം പ്രതീക്ഷിച്ച വിജയം നേടിയിരുന്നില്ല. എന്നാൽ പുതിയ ചിത്രത്തിന്റെ പ്രഖ്യാപനത്തോടെ വലിയ പ്രതീക്ഷയിലാണ് താരത്തിന്റെ ആരാധകർ.
Discussion about this post