തിരുവനന്തപുരം: സ്വര്‍ണ്ണക്കടത്ത് കേസില്‍ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറിനെ എൻഐഎ ചോദ്യം ചെയ്യാനാരംഭിച്ചു. ചോദ്യം ചെയ്യലിനായി ശിവശങ്കർ ഇന്ന് രാവിലെ കൊച്ചിയിലെ എൻഐഎ ഓഫീസിൽ ഹാജരായിരുന്നു. എൻഐഎ സംഘവും ഓഫീസിലെത്തി. 10 മണിക്കാണ് ചോദ്യം ചെയ്യൽ ആരംഭിച്ചത്. എൻഐഎ പ്രോസിക്യൂട്ടറും ചോദ്യം ചെയ്യലിനായെത്തിയിട്ടുണ്ട്.
അതേസമയം ഇതു മൂന്നാം തവണയാണ് ശിവശങ്കറിനെ ചോദ്യം ചെയ്യുന്നത്. നേരത്തെ കസ്റ്റംസ് ഒന്‍പത് മണിക്കൂറും എന്‍ഐഎ അഞ്ച് മണിക്കൂറും ശിവശങ്കറിനെ ചോദ്യം ചെയ്‌തിരുന്നു. ശിവശങ്കറിന്റെയും പ്രതികളുടെയും മൊഴികളിലെ വൈരുധ്യങ്ങളും ശാസ്ത്രീയ തെളിവുകളും കേന്ദ്രീകരിച്ചായിരിക്കും ചോദ്യം ചെയ്യല്‍.
Discussion about this post