മകള്‍ ഭര്‍ത്താവുമായി മൂന്നു മാസമായി പിണക്കത്തിലാണെന്ന് മതം മാറി ഇസ്ലാമായ അഖിലയുടെ പിതാവ് അശോകന്‍. ജനം ടിവിയുടെ വാര്‍ത്താ സംവാദത്തിലാണ് അഖിലയുടെ പിതാവ് ഇക്കാര്യം വെളിപ്പെടുത്തിയത്. മകള്‍ മൂന്ന് മാസമായി ഭര്‍ത്താവുമായി പിണങ്ങി നില്‍ക്കുകയാണെന്ന് ഒരു പത്ര റിപ്പോര്‍ട്ടര്‍ വിളിച്ചു പറഞ്ഞു. അവളോട് ചോദിച്ചപ്പോള്‍ അവള്‍ കൂടുതലൊന്നും അവള്‍ പറഞ്ഞില്ല. അവള്‍ ആരെയാണ് പേടിക്കുന്നതെന്നും അശോകന്‍ ചോദിച്ചു.
‘മകള്‍ ഇപ്പോഴും വിളിക്കാറുണ്ട്. അധികവും അമ്മയെ ആണ് വിളിക്കാറുള്ളത്. അമ്മയോട് അങ്ങോട്ട് ചെല്ലാന്‍ പറയുന്നുണ്ട്. അത് മറ്റുള്ളവര്‍ പ്രേരിപ്പിക്കുന്നതാണെന്നും അശോകന്‍ പറഞ്ഞു. നേരത്തെ അഖില മതം മാറി ഫാദിയ എന്ന പേര് സ്വീകരിച്ചിരുന്നു. മുസ്ലിം മതവിശ്വാസിയായ ഒരാളെ വിവാഹം കഴിക്കുകയും ചെയ്തിരുന്നു.
‘സിറിയയിലേക്ക് ആട് മേയ്ക്കാന്‍ പോവുകയാണെന്ന് നേരത്തെ അവള്‍ പറഞ്ഞിരുന്നു. അതിന് പിന്നാലെയാണ് ഹൈക്കോടതിയില്‍ പോയത്. ഹൈക്കോടതി മകളെ തങ്ങള്‍ക്കൊപ്പം വിട്ടു. പിന്നീട് അവര്‍ സുപ്രിം കോടതിയില്‍ പോവുകയായിരുന്നുവെന്നും അശോകന്‍ പറഞ്ഞു.ഹാദിയയുടെ മതം മാറ്റം വലിയ ചര്‍ച്ചയായിരുന്നു. ഹൈക്കോടതി വിധിയ്‌ക്കെതിരായ അപ്പീലില്‍ സുപ്രിം കോടതിയാണ് മതം മാറ്റം അംഗീകരിച്ച് ഭര്‍ത്താവിനോപ്പം പോകാന്‍ അനുമതി നല്‍കിയത്.
