അയോധ്യ: അയോധ്യയിലെ രാമജന്മഭൂമിയിൽ ക്ഷേത്രശിലാന്യാസത്തിന് മുന്നോടിയായി ഹനുമാൻ ഘാട്ടി ക്ഷേത്രത്തിൽ പ്രത്യേക പൂജ നടത്തി പ്രധാനമന്ത്രി നരേന്ദ്ര മോദി. പത്താം നൂറ്റാണ്ടിൽ പണി കഴിപ്പിക്കപ്പെട്ട ക്ഷേത്രത്തിൽ വിശേഷാൽ ആരതിയുഴിഞ്ഞ പ്രധാനമന്ത്രിയെ ഉത്തർപ്രദേശ് മുഖ്യമന്ത്രി യോഗി ആദിത്യനാഥ് അനുഗമിച്ചു.
ക്ഷേത്രശിലാസ്ഥാപനത്തിന്റെ ഭാഗമാകാൻ രാവിലെ തന്നെ പ്രധാനമന്ത്രി അയോധ്യയിൽ എത്തിയിരുന്നു. രാമജന്മഭൂമിയിൽ സന്ദർശനം നടത്തുന്ന ഇന്ത്യയിലെ ആദ്യ പ്രധാനമന്ത്രിയാണ് നരേന്ദ്ര മോദി. പൂജകളുടെ ഭാഗമായി അയോധ്യയിൽ എത്തിയ പ്രധാനമന്ത്രിയെ ഉത്തർ പ്രദേശ് മുഖ്യമന്ത്രി യോഗി ആദിത്യനാഥ് വിമാനത്താവളത്തിൽ സ്വീകരിച്ചു.
ഭക്തിസാന്ദ്രമായ അന്തരീക്ഷത്തിൽ അയോധ്യയിലെ രാമജന്മഭൂമിയിൽ ക്ഷേത്ര ശിലാന്യാസ ചടങ്ങുകൾ പുരോഗമിക്കുകയാണ്. ശിലാസ്ഥാപനത്തിന് ശേഷം ശ്രീരാമ ക്ഷേത്രത്തിന്റെ ചിത്രം ആലേഖനം ചെയ്ത പ്രത്യേക സ്റ്റാമ്പും പ്രധാനമന്ത്രി പുറത്തിറക്കും.
Discussion about this post