ഡൽഹി: അതിർത്തിയിൽ ചൈനയുമായി നിലനിൽക്കുന്ന സംഘർഷങ്ങളുടെ പശ്ചാത്തലത്തിൽ പുത്തൻ യുദ്ധ തന്ത്രങ്ങൾ പയറ്റാനൊരുങ്ങി ഇന്ത്യൻ സൈന്യം. ഡ്രോൺ വിന്യാസം, റോബോട്ടിക്സ്- ലേസർ സാങ്കേതിക വിദ്യകൾ, നിർമ്മിത ബുദ്ധി എന്നിവയുടെ സാദ്ധ്യതകൾ പരിഗണിക്കാൻ സൈന്യം പ്രത്യേക പഠനങ്ങൾക്ക് രൂപം നൽകുന്നതായാണ് റിപ്പോർട്ട്. സൈനിക രഹിത യുദ്ധമുറകളിലേക്ക് ചൈനക്കും മുന്നേ ചുവടു വെയ്ക്കാനാണ് ഇന്ത്യയുടെ നീക്കം.
സൈബർ യുദ്ധ സാങ്കേതിക വിദ്യകൾ പ്രയോജനപ്പെടുത്താൻ 2018ൽ തന്നെ സൈന്യം പദ്ധതി തയ്യാറാക്കിയിരുന്നു. മൈക്രോ സാറ്റ്ലൈറ്റുകളെയും ഈ മേഖലയിൽ പ്രയോജനപ്പെടുത്താനാണ് സൈന്യം പദ്ധതി തയ്യാറാക്കുന്നത്. കഴിഞ്ഞ ജനുവരിയിൽ ഇതുമായി ബന്ധപ്പെട്ട വിവരങ്ങൾ സംയുക്ത സേനാ മേധാവി ജനറൽ ബിപിൻ റാവത്ത് വിശകലനം ചെയ്തിരുന്നു.
2049 ഓട് കൂടി ചൈനയെ മനുഷ്യരഹിത സൈന്യമാക്കി മാറ്റാൻ കമ്മ്യൂണിസ്റ്റ് സർക്കാർ പദ്ധതി തയ്യാറാക്കുന്നതായി റിപ്പോർട്ടുകൾ ഉണ്ടായിരുന്നു. ഈ പശ്ചാത്തലത്തിൽ ഒരു മുഴം മുന്നേ എറിയാനുള്ള ഇന്ത്യയുടെ നീക്കം ചൈനയെ ശരിക്കും ഞെട്ടിച്ചിരിക്കുകയാണ്.
Discussion about this post