ദുബായ് : കിളി കാറിനു മുകളിൽ കൂടു വെച്ചതിനെ തുടർന്ന് തന്റെ കാർ ഉപയോഗം നിർത്തി ദുബായിലെ കിരീടാവകാശി.ഷെയ്ഖ് ഹംദാൻ ബിൻ മൊഹമ്മദ് ബിൻ റാഷിദ് അൽ മക്തൂമാണ് കിളിയ്ക്ക് ശല്യമാവാതിരിക്കാൻ തന്റെ കാർ ഉപയോഗിക്കുന്നത് താൽക്കാലികമായി നിർത്തിയത്.കൂടിനുള്ളിൽ കിളി മുട്ടയിട്ടിട്ടുമുണ്ടായിരുന്നു.ഇത് ശ്രദ്ധയിൽപ്പെട്ടതോടെയാണ് കാർ ഉപയോഗിക്കുന്നത് നിർത്തിവെക്കാൻ അദ്ദേഹം തീരുമാനിച്ചത്. കിളികളുടെയും കിളിക്കൂടിന്റെയും വീഡിയോ ഷെയ്ഖ് ഹംദാൻ ഇൻസ്റ്റാഗ്രാമിൽ പങ്കു വെച്ചിട്ടുണ്ട്.
ചിലസമയങ്ങളിൽ ചെറിയ കാര്യങ്ങൾ ജീവിതത്തിലൊരുപാട് സന്തോഷം തരുന്നവയായിരിക്കുമെന്ന് വീഡിയോക്കൊപ്പം അദ്ദേഹം എഴുതിച്ചേർത്തിട്ടുണ്ട്. സാമൂഹ്യമാധ്യമങ്ങളിലെല്ലാം ഷെയ്ഖ് ഹംദാൻ പങ്കു വെച്ച വീഡിയോ വൈറലായിക്കൊണ്ടിരിക്കുകയാണ്.അദ്ദേഹത്തിന്റെ നല്ല മനസ്സിനെ അഭിനന്ദിച്ച് ഒത്തിരിപ്പേരാണ് രംഗത്തു വന്നിട്ടുള്ളത്.
Discussion about this post