ഇത്തവണത്തെ ബാര്‍ക്ക് റേറ്റിംഗില്‍ ജനം ടിവിയ്ക്ക് കുതിപ്പ്. പുതിയ റേറ്റിംഗില്‍ നാലാമതാണ് ജനം ടിവി. മാതൃഭൂമി ചാനലിനെ അഞ്ചാമതാക്കിയാണ് ജനം ടിവി ഇത്തവണ മുന്നോട്ട് കയറിയത്.
ഒന്നാം സ്ഥാനത്ത് ഏഷ്യാനെറ്റ് ന്യൂസ് തന്നെയാണ്. രണ്ടാം സ്ഥാനത്ത് 24 ന്യൂസും മൂന്നാം സ്ഥാനത്ത് മനോരമ ന്യൂസുമാണ്. കഴിഞ്ഞ റേറ്റിംഗില്‍ ജനം ടിവി അഞ്ചാമതായിരുന്നു.
മാതൃഭൂമി ചാനല്‍ അഞ്ചാം സ്ഥാനത്തേക്ക് പിന്തള്ളപ്പെട്ടപ്പോള്‍ ഏഴാം സ്ഥാനത്തുള്ള കൈരളിയ്ക്കും പിന്നില്‍ എട്ടാമതാണ് ജമായത്ത് ഇസ്ലാമി ചാനലായ മീഡിയാ വണ്‍. ന്യുസ് 18 കേരളയാണ് ആറാമതുള്ളത്.
സ്വര്‍ണക്കള്ളക്കടത്തുകേസുമായി ബന്ധപ്പെട്ട ബ്രേക്കിംഗ് ന്യൂസുകളാണ് ജനം ടിവിയ്ക്ക് കൂടുതല്‍ േ്രപക്ഷക ശ്രദ്ധ പിടിച്ചു പറ്റാന്‍ ഇടയാക്കിയത്.
ഇതിനിടെ ചാനല്‍ ചര്‍ച്ചയില്‍ നിന്ന് സിപിഎം നേതാക്കള്‍ വിട്ടു നില്‍ക്കുന്ന ഏഷ്യാനെറ്റിനും പ്രേക്ഷകരുടെ എണ്ണം കൂട്ടനായി. ഇത് സിപിഎമ്മിനെതിരെ ട്രോളര്‍മാര്‍ വിഷയമാക്കിയിട്ടുണ്ട്. സിപിഎം ബഹിഷ്‌ക്കരിച്ചാല്‍ കാഴ്ചക്കാരുടെ എണ്ണം കൂടുമെന്നാണ് പരിഹാസം.
കഴിഞ്ഞ ബാര്‍ക് റേറ്റിംഗില്‍ 70512 ആയിരുന്നു ഏഷ്യാനെറ്റിന്റെ റേറ്റിംഗ് എങ്കില്‍ ഇത്തവണ അത് 72103 ആയി ഉയര്‍ന്നു. ജനം ടിവി യുടേത 21696ല്‍ നിന്ന് 28282 യി ഉയര്‍ന്നു.
