തിരുവനന്തപുരം : പി.എസ്.സി ചെയർമാന് രാജാവിനെക്കാൾ വലിയ രാജഭക്തിയാണെന്ന് പ്രതിപക്ഷ നേതാവ് രമേശ് ചെന്നിത്തല.അനധികൃത കരാർ നിയമനങ്ങൾ നടത്തുന്ന സർക്കാരിനെ സംരക്ഷിക്കാനാണ് പി.എസ്.സി ചെയർമാൻ ശ്രമിക്കുന്നതെന്ന കാര്യം ശ്രദ്ധയിൽപ്പെട്ടതിനെ തുടർന്നാണ് അദ്ദേഹം ഇത്തരമൊരു പ്രസ്താവന നടത്തിയത്.
കൺസൾട്ടൻസി വഴി കരാർ നിയമനം നടത്തുന്ന കാര്യം സർക്കാർ തന്നെ സമ്മതിച്ചിട്ടും പി എസ് സി ചെയർമാൻ അത് നിഷേധിക്കുകയാണെന്ന് ചെന്നിത്തല വ്യക്തമാക്കി. ഉറക്കമിളച്ചിരുന്നു പഠിച്ച് പി എസ് സി റാങ്ക് ലിസ്റ്റിൽ കയറി പറ്റുന്ന മിടുക്കരെ ഇളിഭ്യരാക്കി കൊണ്ടാണ് യാതൊരു യോഗ്യതയുമില്ലാതെ സ്വപ്നയെ പോലുള്ളവർ സർക്കാർ ജോലികളിൽ വൻ ശമ്പളത്തിൽ കയറി പറ്റുന്നതും പ്രതിപക്ഷനേതാവ് ആരോപിച്ചു.സർക്കാർ ജോലികളിൽ കരാർ നിയമനങ്ങൾ നടക്കുന്നില്ലെന്ന ചെയർമാന്റെ വാദം അത്ഭുതകരമാണെന്നാണ് രമേശ് ചെന്നിത്തല മാധ്യമങ്ങളോട് പറഞ്ഞത്.
Discussion about this post