പുതുച്ചേരി: തമിഴ്‌നാട്ടില്‍നിന്നുള്ള മത്സ്യത്തൊഴിലാളികളെ ശ്രീലങ്കന്‍ നേവി ഉപദ്രവിക്കുന്നതു തടയാന്‍ കേന്ദ്ര വിദേശകാര്യമന്ത്രി സുഷമ സ്വരാജ് ഇടപെടണമെന്നു നാഷണല്‍ ഫിഷ് വര്‍ക്കേഴ്‌സ് ഫോറം (എന്‍എഫ്എഫ്) ആവശ്യപ്പെട്ടു. ഇന്ത്യയുടെ നിയന്ത്രണത്തിലുള്ള സമുദ്രത്തില്‍ മത്സ്യബന്ധനം നടത്തിയിരുന്ന രാമേശ്വരത്തുനിന്നുള്ള മത്സ്യത്തൊഴിലാളികളെ അടുത്തയിടെ ലങ്കന്‍ നാവികസേന ആക്രമിച്ചിരുന്നതായി എന്‍എഫ്എഫ് ചെയര്‍മാന്‍ എം. ഇളങ്കോ ഇറക്കിയ പ്രസ്താവനയില്‍പറഞ്ഞു.
മത്സ്യത്തൊഴിലാളികള്‍ക്കു സാറ്റലൈറ്റ് ഉപകരണം നല്‍കുമെന്ന് തമിഴ്‌നാട് സര്‍ക്കാര്‍ അറിയിച്ചു. ഉ പകരണത്തിന്റെ നിര്‍മാണം പുരോഗമിക്കുന്ന തായി മത്സ്യവകുപ്പ് മന്ത്രി കെ.എ. ജയപാല്‍ നിയമസഭയില്‍പറഞ്ഞു. മത്സ്യബന്ധനത്തിന് ഏര്‍പ്പെടുന്നവര്‍ക്ക് ദിശ,കാലാവസ്ഥ, മത്സ്യ സമ്പത്ത് തുടങ്ങിയ വി വരങ്ങള്‍ നല്‍കുന്ന ഉപകരണ മാണു നിര്‍മിക്കുക. ഉപഗ്രഹത്തിന്റെ സഹായത്തോടെയുള്ള വിവരങ്ങള്‍ മത്സ്യത്തൊഴിലാളികള്‍ക്കു ഗുണകരമാകുമെന്നും അദ്ദേഹം പറഞ്ഞു.
Discussion about this post