“സുശാന്തിന് വേണ്ടി അമീർഖാൻ ശബ്ദിച്ചു കൂടിയില്ല” : നടനെതിരെ പൊട്ടിത്തെറിച്ച് റിപ്പബ്ലിക് ചാനലിൽ കങ്കണ റണാവത്ത്

യുവനടൻ സുശാന്ത് സിംഗ് രാജ്പുതിന്റെ മരണവുമായി ബന്ധപ്പെട്ട് അമീർഖാന്റെ ഭാഗത്ത് നിന്നും പ്രതികരണമൊന്നുമുണ്ടായില്ലെന്ന് നടി കങ്കണ റണാവത്ത്. സുശാന്തിന്റെ മരണത്തിൽ സിബിഐ അന്വേഷണം വേണമെന്ന സുപ്രീംകോടതി വിധിയെ സ്വാഗതം ചെയ്‌തുകൊണ്ട്
റിപ്പബ്ലിക്ക് ചാനലിൽ എഡിറ്റർ ഇൻ ചീഫായ അർണബ് ഗോസ്വാമിയുമായി സംസാരിക്കുമ്പോഴാണ് കങ്കണ ഇക്കാര്യം വ്യക്തമാക്കിയത്.സുശാന്തിനോടൊപ്പം അമീർഖാൻ പി.കെ എന്ന സിനിമയിൽ ഒരുമിച്ചു പ്രവർത്തിച്ചിട്ടു പോലും സുശാന്തിനു വേണ്ടി ശബ്‌ദമുയർത്താൻ അമീർ ഖാൻ തയ്യാറായില്ലെന്ന് കങ്കണ ചൂണ്ടിക്കാട്ടി.

അമീർ ഖാൻ മാത്രമല്ല, അനുഷ്ക ശർമയുൾപ്പെടെ ബോളിവുഡിലെ ഒരൊറ്റ താരവും സുശാന്തിന്റെ മരണത്തിൽ സിബിഐ അന്വേഷണം വേണമെന്നതിനെ പിന്തുണയ്ച്ചില്ലെന്നും കങ്കണ വ്യക്തമാക്കി. ബുധനാഴ്ചയാണ്‌ സുശാന്ത് സിംഗ് രാജ്പുതിന്റെ മരണം സിബിഐ അന്വേഷിക്കണമെന്ന വിധി സുപ്രീംകോടതി പുറപ്പെടുവിച്ചത്. ജസ്റ്റിസ് ഹൃഷികേശ് റോയ് അടങ്ങുന്ന ബെഞ്ചിന്റേതായിരുന്നു വിധി.