ഡൽഹി: വിവാദ മതപ്രഭാഷകൻ സാക്കിർ നായിക്കിൽ നിന്നും സോണിയ ഗാന്ധിയുടെ നേതൃത്വത്തിലുള്ള രാജീവ് ഗാന്ധി ഫൗണ്ടേഷൻ അമ്പത് ലക്ഷം രൂപ സംഭാവന വാങ്ങിയെന്ന് ബിജെപി. 2011 ജൂലൈ എട്ടിനാണ് സാക്കിര് നായിക്കിന്റെ ഇസ്ലാമിക് റിസർച്ച് ഫൗണ്ടേഷൻ 50 ലക്ഷം രൂപ രാജീവ് ഗാന്ധി ഫൗണ്ടേഷന് നൽകിയത്. ഒരു ഡിസിബി ബാങ്ക് അക്കൗണ്ടിൽ നിന്നാണ് സംഭാവന നൽകിയതെന്ന് ബിജെപി വക്താവ് സംബിത് പത്ര വ്യക്തമാക്കുന്നു.
പഞ്ചാബ് നാഷണൽ ബാങ്ക് തട്ടിപ്പ് കേസിൽ ഉൾപ്പെട്ട വജ്ര വ്യാപാരി മെഹുൽ ചോക്സിയും രാജീവ് ഗാന്ധി ഫൗണ്ടേഷന് സംഭാവന നൽകിയിട്ടുണ്ടെന്ന് സംബിത് പത്ര വിശദീകരിക്കുന്നു.
രാജീവ് ഗാന്ധി ഫൗണ്ടേഷന് 2005 ലും 2006 ലും ചൈനയിൽ നിന്നും പണം ലഭിച്ചതായും ബിജെപി നേരത്തെ ആരോപിച്ചിരുന്നു. ഇതിന്മേൽ വിവാദം തുടരുന്ന പശ്ചാത്തലത്തിലെ പുതിയ വെളിപ്പെടുത്തൽ കോൺഗ്രസ്സിനെ കൂടുതൽ പ്രതിസന്ധിയിലാക്കിയിരിക്കുകയാണ്.
Discussion about this post