ഡല്‍ഹി: ഗുലാംനബി ആസാദും കപില്‍ സിബലും കോണ്‍ഗ്രസ് വിട്ട് ബി.ജെ.പിയുടെ ദേശീയതാ പ്രവര്‍ത്തനങ്ങളുടെ ഭാഗമാകണമെന്ന് കേന്ദ്രമന്ത്രി രാംദാസ് അതാവാലെ. കേന്ദ്രത്തില്‍ ഇനി തുടര്‍ച്ചയായി ബി.ജെ.പി മാത്രമാണ് ഭരിക്കുക. അടുത്ത തെരഞ്ഞെടുപ്പില്‍ ഒറ്റയ്ക്ക് 350 സീറ്റുകള്‍ വരെ ബി.ജെ.പി നേടും. കോണ്‍ഗ്രസ്സിന്റെ നിഷേധാത്മക രാഷ്ട്രീയത്തിന് ഇരയാകാതെ മധ്യപ്രദേശില്‍ ജ്യോതിരാദിത്യ സിന്ധ്യ ചെയ്തപോലെ ബി.ജെ.പിയിലേയ്ക്ക് വരാനാണ് ആസാദും സിബലും ശ്രമിക്കേണ്ടതെന്നും അതാവാലേ ചൂണ്ടിക്കാട്ടി.
സോണിയ വീണ്ടും കോണ്‍ഗ്രസ്സ് അധ്യക്ഷയായിരിക്കാതെ സംഘടന തിരഞ്ഞെടുപ്പ് നടത്തി പുതിയ അധ്യക്ഷനെ തീരുമാനിക്കണമെന്ന നേതാക്കളുടെ തീരുമാനമാണ് പൊട്ടിത്തെ റിയായത്. ജനാധിപത്യ മാര്‍ഗ്ഗം നിര്‍ദ്ദേശിച്ച ഗുലാംനബി ആസാദും കപില്‍ സിബലുമടക്കം കോണ്‍ഗ്രസ്സ് നേതൃത്വത്തിന്റെ കണ്ണിലെ കരടായിരിക്കുകയാണെന്നും അതാവലേ വ്യക്തമാക്കി.
Discussion about this post