“ഇത് ശ്രീനാരായണ ഗുരുവിനോടുള്ള അനാദരവ് ” : സി.പി.എമ്മിനെതിരെ വെള്ളാപ്പള്ളി

ശ്രീനാരായണ ഗുരു ജയന്തി ദിവസം സി.പിഎം കരിദിനമായി ആചരിക്കുന്നതിൽ അമർശവും പ്രതിഷേധവും അറിയിച്ച് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ.

ജനലക്ഷങ്ങൾ പ്രത്യക്ഷ ദൈവമായി ആരാധിക്കുന്ന ശ്രീനാരായണ ഗുരുദേവനോടുള്ള അനാദരവായി മാത്രമെ ഇതിനെ കാണാൻ സാധിക്കൂ.രണ്ട് ചെറുപ്പക്കാർ കൊല്ലപ്പെട്ട സംഭവത്തിൽ ഞങ്ങൾക്കും ദു:ഖമുണ്ട്.മക്കളെ നഷ്ടപ്പെട്ട മാതാപിതാക്കളോട് അങ്ങേയറ്റത്തെ സഹതാപവുമുണ്ട്.ആ സംഭവത്തിൽ പാർട്ടിയുടെ പ്രതിഷേധം മനസിലാക്കാം.പക്ഷേ, ഞായറാഴ്ച നടന്നൊരു സംഭവത്തിന്റെ പേരിൽ മൂന്നു ദിവസം കഴിഞ്ഞ് ശ്രീനാരായണഗുരുദേവ ജയന്തി നാളിൽത്തന്നെ പ്രതിഷേധിക്കാൻ തീരുമാനിച്ചതും, അതും കരിദിനമായി ആചരിക്കാൻ തീരുമാനിച്ചതും ഗുരുനിന്ദയാണെന്ന് വെള്ളാപ്പള്ളി ഫേസ് ബുക്കിൽ കുറിച്ചു.