വാഷിംഗ്ടൺ : ചൈനക്കെതിരെ ആഞ്ഞടിച്ച് യു.എസ് സ്റ്റേറ്റ് സെക്രട്ടറി മൈക്ക് പോംപിയോ.ഹിമാലയം മുതൽ തായ്വാൻ വരെയുള്ള അതിർത്തികളിൽ ചൈന അക്രമം അഴിച്ചു വിടുകയാണെന്നാണ് അദ്ദേഹം ലണ്ടനിൽ നടന്ന പത്രസമ്മേളനത്തിൽ മാധ്യമങ്ങളോട് പറഞ്ഞത്.ദക്ഷിണ ചൈനാ കടലിലും ചൈന സമാനമായ പ്രവർത്തിയാണ് ചെയ്യുന്നതെന്നും ചൈനയുടേതല്ലാത്ത തീരപ്രദേശങ്ങളിൽ രാജ്യം അവകാശം സ്ഥാപിക്കാൻ ശ്രമിക്കുകയാണെന്നും യുഎസ് സ്റ്റേറ്റ് സെക്രട്ടറി ചൂണ്ടിക്കാട്ടി.
ചൈന ഹോങ്കോങിന്റെ സ്വാതന്ത്ര്യമില്ലാതാക്കിയത് പോലുള്ള നയങ്ങളുമായാണ് ലോകത്തുള്ള രാജ്യങ്ങളെ മുഴുവൻ സമീപിക്കുന്നതെന്ന് മൈക്ക് പോംപിയോ വ്യക്തമാക്കി.ഗാൽവൻ അതിർത്തിയിൽ ഇന്ത്യയ്ക്കു നേരെ ചൈന നടത്തിയ ആക്രമണം അതിന്റെ തെളിവാണെന്നും ചൈനീസ് കമ്മ്യൂണിസ്റ്റ് പാർട്ടിയുടെ ഇത്തരം പ്രവർത്തികൾ അംഗീകരിക്കാനാവില്ലെന്നും അദ്ദേഹം കൂട്ടിച്ചേർത്തു.
Discussion about this post