ശ്രീനഗർ : ഡോഗ്രി അടക്കം 5 ഭാഷകൾ ജമ്മുകശ്മീരിന്റെ ഔദ്യോഗിക ഭാഷകളാക്കാൻ തീരുമാനിച്ച് കേന്ദ്രസർക്കാർ.കശ്മീരി, ഡോഗ്രി, ഹിന്ദി, ഉറുദു, ഇംഗ്ലീഷ് എന്നീ അഞ്ചു ഭാഷകൾ ജമ്മു കശ്മീരിന്റെ ഔദ്യോഗിക ഭാഷകളാക്കാനുള്ള തീരുമാനത്തിന് കേന്ദ്ര മന്ത്രിസഭ അംഗീകാരം നൽകി.കശ്മീരിലെ ജനങ്ങളുടെ ആവശ്യ പ്രകാരമാണ് ഇങ്ങനെയൊരു നടപടിയെന്ന് കേന്ദ്ര മന്ത്രി പ്രകാശ് ജാവദേക്കർ പറഞ്ഞു.
കശ്മീരി ജനതയുടെ ദീർഘകാല ആവശ്യം അംഗീകരിച്ച മോദി സർക്കാരിന് നന്ദി പറഞ്ഞു കൊണ്ട് കശ്മീരിലെ ജനങ്ങളും ജനപ്രതിനിധികളും രംഗത്തു വന്നിട്ടുണ്ട്.ഇത് പ്രദേശത്തിന്റെ ഒരുപാട് നാളുകളായി നിലനിൽക്കുന്ന പൊതു ആവശ്യത്തിന്റെ പൂർത്തീകരണം മാത്രമല്ലെന്നും 2019 ആഗസ്റ്റ് 5 ന് ശേഷം നടപ്പാക്കിയ സമത്വ മനോഭാവത്തിന് അനുസൃതമാണെന്നും നാഷണൽ കോൺഫറൻസ് പ്രസിഡണ്ട് ദേവേന്ദ്ര സിംഗ് റാണ പറഞ്ഞു. പുതിയ ഔദ്യോഗിക ഭാഷാ ബിൽ പാർലമെന്റിന്റെ വരാനിരിക്കുന്ന മൺസൂൺ സെഷനിൽ അവതരിപ്പിക്കും.
Discussion about this post