മുംബൈ: കങ്കണ റണാവത്തിൻറെ ഓഫീസ് തകർത്ത വിഷയത്തിൽ രൂക്ഷ വിമർശനവുമായി മഹാരാഷ്ട്ര മുൻ മുഖ്യമന്ത്രി ദേവേന്ദ്ര ഫഡ്നാവിസ്. കങ്കണയുടെ വീട് പൊളിച്ച ശിവസേനയ്ക്ക് ദാവൂദിന്റെ വീട് പൊളിക്കാൻ ധൈര്യമുണ്ടോ എന്നായിരുന്നു ഫഡ്നാവിസ് ചോദിച്ചത്.കങ്കണയെ പ്രോത്സാഹിപ്പിച്ചെന്നാണ് ശിവസേന ബി.ജെ.പിയ്ക്കെതിരെ ആരോപണം ഉന്നയിക്കുന്നത്. കങ്കണ ഒരു വലിയ നേതാവല്ല, അവർ ഉന്നയിച്ച വിഷയങ്ങളിൽ ശിവസേന അമിത പ്രാധാന്യം നൽകുകയായിരുന്നുവെന്നും ബിജെപി കുറ്റപ്പെടുത്തി.
നിങ്ങൾ (ശിവസേന) ദാവൂദിന്റെ വീട് തകർക്കാൻ പോയില്ല, പക്ഷേ നിങ്ങൾ കങ്കണയുടെ ബംഗ്ലാവ് തകർത്തു. ഇക്കാര്യത്തിൽ കങ്കണയ്ക്ക് ജനങ്ങളുടെ ശക്തമായ പിന്തുണ ലഭിക്കുന്നുണ്ടെന്നും അദ്ദേഹം പറഞ്ഞു.കങ്കണയും ഇക്കാര്യത്തിൽ ശിവസേനയുമായി ഒരു നീണ്ട പോരാട്ടത്തിന് തന്നെ തയ്യാറെടുക്കുകയാണ്. കോൺഗ്രസ് പ്രസിഡന്റ് സോണിയ ഗാന്ധിയ്ക്കെതിരെയും കങ്കണ ട്വീറ്റ് ചെയ്തു.
സോണിയയുടെ നിശബ്ദത ചരിത്രത്തിൽ രേഖപ്പെടുത്തുമെന്ന് കങ്കണ ട്വീറ്റ് ചെയ്തു. മഹാരാഷ്ട്രയിലെ കോൺഗ്രസ് പിന്തുണയുള്ള സർക്കാർ ഭരണഘടനാ ലംഘനം നടത്തുമ്പോൾ അതിനെതിരെ സോണിയ നിശബ്ദത പാലിക്കുകയാണ്. ഒരു സ്ത്രീയായ തനിക്കെതിരെ ഇത്തരത്തിൽ ആക്രമണം നടന്നിട്ടും പ്രതികരിച്ചില്ലെന്നും കങ്കണ കുറ്റപ്പെടുത്തി.
Discussion about this post