ന്യൂഡൽഹി : മധ്യപ്രദേശിൽ 1.75 ലക്ഷം വീടുകൾ പ്രധാനമന്ത്രി നരേന്ദ്രമോദി ഇന്ന് ഉദ്ഘാടനം ചെയ്യും. പ്രധാനമന്ത്രി ആവാസ് യോജന സ്കീമിനു കീഴിൽ നിർമ്മിച്ച് നൽകിയ വീടുകളാണ് നരേന്ദ്രമോദി ഉദ്ഘാടനം ചെയ്യുക.വീഡിയോ കോൺഫറൻസ് വഴി നടക്കുന്ന ചടങ്ങിനെ കുറിച്ച് പ്രധാനമന്ത്രി തന്നെയാണ് ട്വിറ്റർ വഴി ജനങ്ങളെ അറിയിച്ചത്.2022 മാർച്ച് ആകുമ്പോഴേക്കും 20 ദശലക്ഷം വീടുകളാണ് നിർമ്മിച്ചു നൽകാൻ ഉദ്ദേശിക്കുന്നതെന്നും നരേന്ദ്ര മോദി വ്യക്തമാക്കി.
“2022 ആകുമ്പോഴേക്കും രാജ്യത്തെ എല്ലാ കുടുംബത്തിനും ഓരോ വീട് നൽകുകയെന്ന പദ്ധതിയുടെ ഭാഗമായാണ് ഇന്ന് മധ്യപ്രദേശിൽ ഉദ്ഘാടനം ചെയ്യുന്ന നിർമ്മിതികൾ. പ്രധാനമന്ത്രി ആവാസ് യോജനയുടെ കീഴിൽ നിർമിച്ചു നൽകുന്ന ഈ വീടുകൾ, കൊറോണക്കാലത്തും രാജ്യത്ത് നടക്കുന്ന വികസനപദ്ധതികൾ തടസ്സപ്പെട്ട ഇല്ല എന്നുള്ളത് ഒന്നാന്തരം ഉദാഹരണമാണ്” എന്ന് നരേന്ദ്രമോദി ട്വിറ്ററിൽ കുറിച്ചു.
ഇന്ത്യൻ സർക്കാരിന് കീഴിൽ 2015 ആരംഭിച്ച പ്രധാനമന്ത്രി ആവാസ് യോജന പദ്ധതി, നഗരപ്രദേശങ്ങളിലും ഗ്രാമപ്രദേശങ്ങളിലും നിർധനർക്ക് വീട് വെച്ച് നല്കാൻ ഉദ്ദേശിച്ചുള്ളതാണ്.രണ്ട് മില്യൻ വീടുകൾ രാജ്യത്തിന്റെ വിവിധ ഭാഗങ്ങളായി നിർമിച്ചു നൽകാനുള്ള വികസന പ്രവർത്തനങ്ങൾ പുരോഗമിക്കുകയാണ്.
Discussion about this post