തിരുവനന്തപുരം: സംസ്ഥാനത്ത് ഇന്ന് 3139 പേർക്ക് കൊവിഡ് ബാധ സ്ഥിരീകരിച്ചു. ഇന്ന് 14 മരണങ്ങൾ റിപ്പോർട്ട് ചെയ്തു. ഇന്ന് ഏറ്റവും കൂടുതൽ പേർക്ക് രോഗം ബാധിച്ചത് തിരുവനന്തപുരം ജില്ലയിലാണ്. 56 ആരോഗ്യ പ്രവർത്തകർക്ക് ഇന്ന് രോഗം സ്ഥിരീകരിച്ചു. 2921 പേർക്ക് ഇന്ന് സമ്പർക്കത്തിലൂടെ രോഗം ബാധിച്ചു. ഇന്ന് രോഗം സ്ഥിരീകരിച്ചവരില് 36 പേര് വിദേശ രാജ്യങ്ങളില് നിന്നും 126 പേര് മറ്റ് സംസ്ഥാനങ്ങളില് നിന്നും വന്നവരാണ്. സംസ്ഥാനത്തെ ആകെ മരണ സംഖ്യ 439 ആയി. 1855 പേർ രോഗമുക്തരായി.
തിരുവനന്തപുരം 412, കോഴിക്കോട് 399, മലപ്പുറം 378, എറണാകുളം 326, ആലപ്പുഴ 252, കണ്ണൂര് 234, പാലക്കാട് 233, കൊല്ലം 205, കോട്ടയം 196, തൃശൂര് 182, കാസര്ക്കോട് 124, പത്തനംതിട്ട 102, വയനാട് 56, ഇടുക്കി 40 എന്നിങ്ങനെയാണ് ജില്ല തിരിച്ചുള്ള രോഗബാധിതരുടെ കണക്ക്.
സെപ്റ്റംബര് 5ന് മരണമടഞ്ഞ തൃശൂര് വരാന്തറപള്ളി സ്വദേശി തങ്കപ്പന് (67), സെപ്റ്റംബര് 3ന് മരണമടഞ്ഞ തിരുവനന്തപുരം മുടവന്മുഗള് സ്വദേശി കൃഷ്ണന് (69), കൊല്ലം വിളങ്ങര സ്വദേശി ബാബു (55), സെപ്റ്റംബര് 4ന് മരണമടഞ്ഞ തിരുവനന്തപുരം തൈക്കാട് സ്വദേശിനി ലീല (75), കൊല്ലം മുകുനന്ദപുരം സ്വദേശിനി ഓമന അമ്മ (71), തിരുവനന്തപുരം കാക്കാമൂല സ്വദേശി പൊന്നന് നാടാര് (73), സെപ്റ്റംബര് 6ന് മരണമടഞ്ഞ തിരുവനന്തപുരം വിതുര സ്വദേശി രത്നകുമാര് (66), സെപ്റ്റംബര് 7ന് മരണമടഞ്ഞ തിരുവനന്തപുരം വള്ളക്കടവ് സ്വദേശിനി ഗ്ലോറി (74), എറണാകുളം കോതമംഗലം സ്വദേശി ഒ.എ. മോഹനന് (68), തിരുവനന്തപുരം കാഞ്ഞിരംകുളം സ്വദേശി വില്ഫ്രെഡ് (56), സെപ്റ്റംബര് 8ന് മരണമടഞ്ഞ തിരുവനന്തപുരം പാറശാല സ്വദേശി സുധാകരന് (62), എറണാകുളം പറവൂര് സ്വദേശിനി സുലോചന (62), സെപ്റ്റംബര് 9ന് മരണമടഞ്ഞ തിരുവനന്തപുരം വര്ക്കല സ്വദേശി രാമചന്ദ്രന് (42), ആഗസ്റ്റ് 16ന് മരണമടഞ്ഞ പാലക്കാട് അട്ടപ്പാലം സ്വദേശി ചാമിയാര് (94) എന്നിവർക്ക് കൊവിഡ് സ്ഥിരീകരിച്ചു.
ഇന്ന് 17 പുതിയ ഹോട്ട് സ്പോട്ടുകളാണുള്ളത്. 13 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. നിലവില് 607 ഹോട്ട് സ്പോട്ടുകളാണ് സംസ്ഥാനത്ത് ഉള്ളത്.
Discussion about this post