കോവിഡ് വൈറസ് സൃഷ്ടിച്ചത് ചൈനയുടെ ലാബിലാണെന്ന് വെളിപ്പെടുത്തിയ ശാസ്ത്രജ്ഞയുടെ അക്കൗണ്ട് സസ്പെൻഡ് ചെയ്ത് ട്വിറ്റർ.ലോകത്ത് ലക്ഷക്കണക്കിന് പേരുടെ ജീവൻ എടുക്കുകയും കോടിക്കണക്കിന് പേരെ രോഗബാധിതരാക്കുകയും ചെയ്ത മാരക വൈറസിനെ ഉത്ഭവം ചൈനയിലെ വുഹാനിലെ ഒരു പരീക്ഷണശാലയിലാണെന്ന് വെളിപ്പെടുത്തിയത് ചൈനീസ് വൈറോളജിസ്റ്റും ഗവേഷകയുമായ ഡോ.ലി മെങ് യാൻ ആണ്.
കോവിഡ് മഹാമാരിക്ക് പിറകിൽ മനുഷ്യരുടെ കൈകൾ ഉണ്ടെന്ന ലോകത്തെ ഞെട്ടിച്ച പ്രഖ്യാപനത്തിനു പുറകേ ലീയുടെ ട്വിറ്റർ സോഷ്യൽ മീഡിയ അക്കൗണ്ട് സസ്പെൻഡ് ചെയ്യപ്പെടുകയായിരുന്നു. മണിക്കൂറുകൾക്കുള്ളിൽ ആയിരക്കണക്കിന് പുതിയ ഫോളോവേഴ്സാണ് ലീയുടെ ട്വിറ്റർ അക്കൗണ്ടിനെ ഫോളോ ചെയ്തത്.
സമൂഹമാധ്യമങ്ങളായ ട്വിറ്റർ ഫേസ്ബുക്ക് എന്നിവ വൻകിട ശക്തികളുടെ ചട്ടുകങ്ങളായി പ്രവർത്തിക്കുന്നുവെന്ന ആക്ഷേപങ്ങൾ സമൂഹമാധ്യമങ്ങളിൽ ശക്തമാവുകയാണ്. ചില അതിശക്തരായവരുടെ താൽപര്യങ്ങൾ നിമിത്തമാണ് ട്വിറ്റർ അധികൃതർ ലിയുടെ അക്കൗണ്ട് സസ്പെൻഡ് ചെയ്തത് എന്നാണ് ജനങ്ങൾ ആരോപിക്കുന്നത്.അമേരിക്കൻ പ്രസിഡന്റ് തെരഞ്ഞെടുപ്പ് പ്രക്രിയയിലും സമൂഹ മാധ്യമ ഭീമനായ ഫേസ്ബുക്ക് ഇടപെട്ടുവെന്ന് നേരത്തെ ആക്ഷേപമുണ്ടായിരുന്നു.
Discussion about this post