സംസ്കാരിക സംഘടനയായ ആർഎസ്എസിനെ വിമർശിച്ച് എ.ഐ.എം.ഐ.എം തലവൻ അസദുദ്ദീൻ ഒവൈസി. ആർഎസ്എസ് നാസി പ്രത്യയശാസ്ത്രം പിന്തുടരുന്ന സംഘടനയാണ് എന്നാണ് ഒവൈസി പറഞ്ഞത്.ഇസ്ലാമിക് സൊസൈറ്റി ഓഫ് നോർത്ത് അമേരിക്കയെന്ന ഹമാസിനെ പിന്തുണയ്ക്കുന്ന മുസ്ലിം സംഘടനയുടെ വാർഷിക യോഗത്തിൽ പങ്കെടുക്കവേയാണ് അസദുദ്ദീന്റെ പരാമർശം എന്നതാണ് ശ്രദ്ധേയം.
പാക് പ്രധാനമന്ത്രി ഇമ്രാൻ ഖാൻ, ഈയിടെ ജർമ്മനിയിലെ നാസികളിൽ നിന്ന് പ്രചോദനമുൾക്കൊണ്ടാണ് ആർഎസ്എസ് രൂപീകരിച്ചതെന്ന് ആരോപിച്ചിരുന്നു. ഈ ആരോപണത്തെ പിന്തുണച്ചാണ് അസദുദ്ദീൻ ഒവൈസിയുടെ പരാമർശം.
മുസ്ലിം ബ്രദർഹുഡ് എന്ന കുപ്രസിദ്ധ സംഘടനയുടെ അമേരിക്കയിലെ പ്രവർത്തകരാണ് ഐ.എസ്.എൻ.എ എന്ന അമേരിക്കയിലെ തീവ്ര ഇസ്ലാമിക സംഘടനയ്ക്ക് രൂപം നൽകിയിരിക്കുന്നത്. ഹമാസ്, ഫത്ത മുതലായ ജിഹാദി സംഘങ്ങൾക്ക് അനുകൂലമായി പ്രവർത്തിക്കുകയും എഴുതുകയും ചെയ്യുന്ന ഒരു കൂട്ടം ബുദ്ധിജീവികളാണ് ഈ സംഘടനയിലെ പ്രധാന പ്രവർത്തകർ. ജിഹാദ് അനുകൂല ആശയങ്ങൾ അമേരിക്കൻ സമൂഹത്തിന്റെ മുഖ്യധാരയിൽ എത്തിക്കുന്നതിൽ ഇവർ പ്രധാന പങ്കു വഹിക്കുന്നുണ്ട്.
Discussion about this post