മലപ്പുറം: മലപ്പുറത്ത് വെന്റിലേറ്റര്‍ ലഭിക്കാതെ കോവിഡ് രോഗി മരിച്ചതായി ആരോപണം. മാറാക്കറ യൂസുഫിന്റെ ഭാര്യ പാത്തുമ്മയാണ് മരിച്ചത്. തിങ്കളാഴ്ച രാത്രി പതിനൊന്നിന് ഒരു സ്വകാര്യ ആശുപത്രിയില്‍ വച്ചാണ് പാത്തുമ്മയ്ക്ക് കോവിഡ് സ്ഥിരീകരിച്ചത്.
കോവിഡ് സ്ഥിരീകരിച്ചതിനെ തുടര്‍ന്ന് പന്ത്രണ്ട് മണിയോടെ മഞ്ചേരി മെഡിക്കല്‍ കോളജിലേക്ക് പാത്തുമ്മയെ കൊണ്ടുപോയെങ്കിലും വെന്റിലേറ്റര്‍ ഒഴിവില്ലെന്നായിരുന്നു അധികൃതരുടെ മറുപടിയെന്ന് ബന്ധുക്കള്‍ പറയുന്നു.
മെഡിക്കല്‍ കോളജിന് മുന്നില്‍ മൂന്ന് മണിക്കൂറോളം പാത്തുമ്മയെ ആംബുലന്‍സില്‍ തന്നെ കിടത്തി. സൗകര്യം ഒരുക്കാമെന്ന് മറ്റൊരു ആശുപത്രി അധികൃതര്‍ അറിയിച്ചു. തുടര്‍ന്ന് പുലര്‍ച്ചെ നാലിന് വെന്റിലേറ്ററിലേക്ക് മാറ്റിയെങ്കിലും അഞ്ചരയോടെ മരണം സംഭവിക്കുകയായിരുന്നു.
Discussion about this post