തിരുവനന്തപുരം; സംസ്ഥാനത്ത് ശമനമില്ലാതെ കൊവിഡ് പടരുന്നു. സംസ്ഥാനത്ത് ഇന്ന് 7445 പേർക്കാണ് രോഗം ബാധിച്ചത്. ഇതിൽ 6965 പേർക്കും സമ്പർക്കത്തിലൂടെയാണ് രോഗബാധ. സംസ്ഥാനത്തെ ഏറ്റവും ഉയർന്ന പ്രതിദിന വർദ്ധനവാണ് ഇന്ന് രേഖപ്പെടുത്തിയിരിക്കുന്നത്.
കോഴിക്കോട് 956, എറണാകുളം 924, മലപ്പുറം 915,തിരുവനന്തപുരം 853, കൊല്ലം 690, തൃശൂര് 573, പാലക്കാട് 488, ആലപ്പുഴ 476, കോട്ടയം 426, കണ്ണൂര് 332, പത്തനംതിട്ട 263, കാസര്ഗോഡ് 252, വയനാട് 172, ഇടുക്കി 125 എന്നിങ്ങനെയാണ് ജില്ല തിരിച്ചുള്ള കണക്ക്.
സംസ്ഥാനത്ത് ഇന്ന് 21 മരണങ്ങൾ കൊവിഡ് മൂലമാണെന്ന് സ്ഥിരീകരിച്ചു. ഇതോടെ ആകെ മരണസംഖ്യ 677 ആയി ഉയർന്നു. 97 ആരോഗ്യ പ്രവര്ത്തകര്ക്കാണ് ഇന്ന് സമ്പര്ക്കത്തിലൂടെ രോഗം ബാധിച്ചത്. 561 പേരുടെ സമ്പര്ക്ക ഉറവിടം വ്യക്തമല്ല.
ഇന്ന് 17 പുതിയ ഹോട്ട് സ്പോട്ടുകളാണുള്ളത്. 14 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. ഇതോടെ നിലവില് 655 ഹോട്ട് സ്പോട്ടുകളാണ് സംസ്ഥാനത്തുള്ളത്.
Discussion about this post