ഇനി ഡ്രൈവിംഗ് ലൈസൻസ് ഉൾപ്പെടെയുള്ള ഗതാഗത രേഖകൾ കയ്യിൽ സൂക്ഷിക്കേണ്ടതില്ല. പുതിയ വാഹന നിയമം ഒക്ടോബർ 1 മുതൽ പ്രാബല്യത്തിൽ ഇലക്ട്രോണിക് രേഖകൾക്കു കൂടുതൽ സ്വീകാര്യത നൽകുന്ന പുതിയ വാഹന നിയമം ഇന്നു മുതൽ നിലവിൽ വരും. കേന്ദ്രറോഡ് ഗതാഗത-ദേശീയപാത മന്ത്രാലയം ഇതേ സംബന്ധിച്ച വിശദാംശങ്ങൾ പുറത്തു വിട്ടിട്ടുണ്ട്. പുതിയ നിയമ പ്രകാരം ഒക്ടോബർ ഒന്നുമുതൽ വാഹനത്തിന്റെ ലൈസൻസ്, രജിസ്ട്രേഷൻ സർട്ടിഫിക്കറ്റ്, ഇൻഷുറൻസ് രേഖകൾ എന്നിവ കയ്യിൽ സൂക്ഷിക്കേണ്ടതില്ല. മാത്രമല്ല, ഇതേ സംബന്ധിച്ച എല്ലാ പ്രവർത്തനങ്ങളെല്ലാം ഗവണ്മെന്റ് പോർട്ടൽ വഴിയായിരിക്കും നടക്കുക.
ഡ്രൈവിംഗ് ലൈസൻസ് ഉൾപ്പെടെയുള്ള രേഖകൾ ഡിജി -ലോക്കറിലോ, എം-പരിവഹനിലോ അപ്ലോഡ് ചെയ്യാവുന്നതാണ്. ലൈസൻസിന്റെ കാലാവധി അവസാനിച്ച വിവരവും ഏതെങ്കിലും കാരണവശാൽ റദ്ദാക്കിയ വിവരവും ഈ പോർട്ടലുകളിൽ കൃത്യമായി സ്റ്റോർ ചെയ്യപ്പെടും.1989-ലെ സെൻട്രൽ മോട്ടോർ വെഹിക്കിൾ റൂൾസിൽ കേന്ദ്ര റോഡ് ഗതാഗത-ദേശീയപാത മന്ത്രാലയം വരുത്തിയ ഭേദഗതികളാണ് ഒക്ടോബർ ഒന്നുമുതൽ നിലവിൽ വരുന്നത്
