അബുദാബി : കിങ്സ് ഇലവൻ പഞ്ചാബിനെ 48 റൺസിന് തോൽപിച്ച് മുംബൈ ഇന്ത്യൻസ് വീണ്ടും വിജയത്തിളക്കത്തിൽ. ടോസ് നഷ്ടപ്പെട്ട് ബാറ്റിംഗിനിറങ്ങിയ മുംബൈ നേടിയത് 192 റൺസ്. എന്നാൽ, നിശ്ചിത ഓവറിൽ കിംഗ്സിന് കണ്ടെത്താനായത് എട്ടു വിക്കറ്റ് നഷ്ടത്തിൽ 143 റൺസ് മാത്രമായിരുന്നു.
കിങ്സ് ഇലവന്റെ നട്ടെല്ലൊടിച്ചത് രണ്ടു വിക്കറ്റുകൾ വീതം വീഴ്ത്തിയ മുംബൈയുടെ ഭൂമ്ര, രാഹുൽ ചഹർ, പാറ്റിൻസൺ എന്നിവരുടെ മികവാണ്. കഴിഞ്ഞ മത്സരങ്ങളിൽ സെഞ്ചുറികൾ അടിച്ചുകൂട്ടിയ കിങ്സ് ഇലവന്റെ ഓപ്പണർമാരെ ഇക്കുറി ഭാഗ്യം തുണച്ചില്ല. അതിനുള്ള സമയം മുംബൈ ഇന്ത്യൻസ് നൽകിയില്ല എന്നതാണ് ശരി.രാഹുൽ 19 പന്തിൽ നിന്ന് 17 റൺസെടുത്തും മായങ്ക് അഗർവാൾ 18 പന്തിൽ നിന്ന് 25 റൺസെടുത്തും പുറത്തായി. 27 അതിൽനിന്ന് സിക്സറുകളും ഫോറു മടക്കം പറത്തി പൂരൻ പിടിച്ചു നിന്നെങ്കിലും വേണ്ട പിന്തുണ നൽകാൻ ആരുമുണ്ടായില്ല. തൊട്ടുപിന്നാലെ, കൃഷ്ണപ്പ ഗൗതമിന്റെ 13 പന്തിൽ നിന്ന് 22 റൺസ് നേടിയെങ്കിലും കിംഗ്സ് ഇലവന് ജയം തീണ്ടാപ്പാടകലെയായിരുന്നു.
നാല് കളിയിൽ നിന്ന് കിങ്സ് ഇലവന്റെ മൂന്നാമത്തെ തോൽവിയാണിത്. ജയത്തോടെ മുംബൈ ഇന്ത്യൻസ് പോയിന്റ് ടേബിളിൽ ഒന്നാമതെത്തി.
