ലോകത്തിലെ ഏറ്റവും ഉയരം കൂടിയ ഹിമാലയ പര്വ്വതത്തില് ലോകത്തെ ഏറ്റവും നീളമേറിയ തുരങ്ക പാത പ്രധാനമന്ത്രി നരേന്ദ്രമോദി രാജ്യത്തിന് സമര്പ്പിച്ചു. ലോകത്തിലെ സഞ്ചാരയോഗ്യമായ ഏറ്റവും ഉയരത്തിലുള്ള ചുരമാണ് റോഹ്താംഗ് പാസ്. സമുദ്ര നിരപ്പില് നിന്നും 13,000 അടിക്ക് മുകളില് പിര്പഞ്ചാല് മലനിരകളില് ഉള്ള റോഹ്താംഗ് പാസ് മണാലിയെയും ലാഹോള്സ്പിറ്റി വാലിയെയും ബന്ധിപ്പിക്കുന്നു.
എല്ലാ വര്ഷവും കനത്ത മഞ്ഞുവീഴ്ചയുള്ള ആറ് മാസക്കാലം റോഹ്താംഗ് പാസ് വഴി ഗതാഗതം സാധ്യമല്ലായിരുന്നു. ഇതിന് പരിഹാരമായാണ് എഞ്ചിനീയറിങ് ടെക്നോളജിയുടെ അനന്ത സാധ്യതകളും കൂട്ടിയിണക്കിക്കൊണ്ട് റോഹ്താംഗ് പാസിന് സമാന്തരമായുള്ള ടണല് നിര്മ്മാണം പൂര്ത്തിയാക്കിയിരിക്കുന്നത്. ഏറെ സവിശേഷതകളാണ് അടല് ടണലിന് ഉള്ളത്.
സമുദ്രനിരപ്പിന് 10,000 അടിക്ക് മുകളില് ഉള്ള ലോകത്തിലെ തന്നെ ഏറ്റവും നീളം കൂടിയ ഹൈവേ ടണലാണ് ഇത്. പദ്ധതിയുടെ സാധ്യതാ പഠനം നടന്നത് 2002 മുന് പ്രധാനമന്ത്രി അടല് ബിഹാരി വാജ്പേയുടെ കാലത്താണ്.
എട്ട് വര്ഷങ്ങള്ക്ക് ശേഷമാണ് തുരങ്കപാതയുടെ നിര്മ്മാണം തുടങ്ങിയത്. മണാലി – ലേ ദേശീയപാതയിലെ യാത്ര സമയം കുറയ്ക്കാനാകും എന്നതാണ് തുരങ്കത്തിന്റെ പ്രധാന നേട്ടം. തുരങ്കം യഥാര്ത്ഥ്യമായതോടെ ഈ പാതയില് 48 കിലോമീറ്റര് യാത്രയാണ് കുറഞ്ഞത്. യാത്ര സമയം നാല് മണിക്കൂറും കുറഞ്ഞു
ഹിമാചല് പ്രദേശിലെ ലാഹുല് സപ്തി ഉള്പ്പെടെയുള്ള മലയോര ഗ്രാമങ്ങളിലെ ജനങ്ങളെ മണാലിയുമായി വേഗത്തില് ബന്ധിപ്പിക്കാന് തുരങ്ക പാതയ്ക്ക് കഴിയും. തണുപ്പ് കാലത്ത് മഞ്ഞ് വീഴ്ച്ച തുടങ്ങിയാല് ഇവിടുത്തെ ഗ്രാമങ്ങള്ക്ക് ആറ് മാസം പുറം ലോകവുമായി ബന്ധമില്ലാതാകും. ഇനി അത്തരമൊരു അവസ്ഥയുണ്ടാകില്ലെന്നത് ഗ്രാമവാസികള്ക്ക് ഏറെ ആശ്വാസം പകരുന്നു.തുരങ്കത്തിന്റെ പണി പൂര്ത്തിയായതോടെ ഇതുവഴി ഇനി വര്ഷം മുഴുവന് ഗതാഗതം സാധ്യമാകും. ഈ മേഖലയിലെ ജനജീവിതത്തിനെ തന്നെ മാറ്റിമറിയ്ക്കുന്നതാണ് പദ്ധതി.4,083 കോടി രൂപയാണ് പദ്ധതിക്കായി സര്ക്കാര് നീക്കിവച്ചത് എന്നാല് 3,200 കോടി രൂപയ്ക് ബോര്ഡര് റോഡ് ഓര്ഗനൈസേഷന് പദ്ധതി പൂര്ത്തിയാക്കി.
മലയാളിയായ ബി ആര് ഒ യുടെ ചീഫ് എഞ്ചീനീയര് കെ.പി പുരുഷോത്തമന്റെ നേതൃത്തിലാണ് തുരങ്കത്തിന്റെ നിര്മ്മാണം പൂര്ത്തിയാക്കിയത്. തുരങ്കത്തിന്റെ എന്ജിനീയറിങ് , നിര്മ്മാണ മാനേജ്!മെന്റ് പ്രവര്ത്തനങ്ങള് പൂര്ത്തിയാക്കിയത് തിരുവനന്തപുരം ആസ്ഥാനമായി പ്രവര്ത്തിക്കുന്ന പി ഇ എം എസ്സ് എന്ജിനീയറിംങ് കണ്സള്ട്ടന്റ്സ് എന്ന സ്ഥാപനമാണ്.
https://www.facebook.com/braveindianews/posts/2951439848412490
മണാലി ലഡാക് ഹൈവേയിലെ റോതാംഗ് മഞ്ഞുമലകള്ക്കിടയിലൂടെ എകദേശം 2 കിലോമീറ്റര് ഉയരത്തിലുള്ള മഞ്ഞുമല തുരന്നാണ് 10.56 മീറ്റര് വീതിയുള്ള തുരങ്കത്തില് 8 മീറ്റര് വീതിയിലും 9.02 കി.മീ നീളവുമുള്ള രണ്ട് വരി പാത നിര്മ്മിച്ചിരിക്കുന്നത്. പ്രധാന പാതയുടെ അടിയിലൂടെ 3.6 മീറ്റര് വീതിയിലും 2.25 മീറ്റര് ഉയരത്തിലുമുള്ള ഒരു എമര്ജന്സി ടണലും നിര്മ്മിച്ചിട്ടുണ്ട്. മഞ്ഞുകാലത്ത് ആറുമാസത്തോളം അടഞ്ഞു കിടക്കുന്ന റോഹ്താംഗ് ചുരം ഒഴിവാക്കി ഈ തുരങ്കപാതയിലൂടെ യാത്രചെയ്യുന്നതിലൂടെ 46 കി.മീ അധികയാത്ര ഒഴിവാക്കാം.
. ലോകത്തില് തന്നെ നിര്മ്മാണ ഘട്ടത്തില് ഏറ്റവും വെല്ലുവിളികള് നിറഞ്ഞ ടണലുകളില് ഒന്നായിരുന്നു അടല് ടണല് സാങ്കേതിക മേഖലയിലെ ഭാരതത്തിന്റെ നിര്മ്മാണ ഒരു പൊന്തൂവല്.മണിക്കൂറില് പരമാവധി 80 കിലോമീറ്റര് വേഗതയില് വാഹനങ്ങള്ക്ക് സഞ്ചരിക്കാവുന്ന രീതിയിലാണ് തുരങ്കത്തിന്റെ നിര്മ്മാണം പൂര്ത്തിയായിരിക്കുന്നത്.
വര്ഷത്തില് ആറ് മാസത്തോളമുള്ള മഞ്ഞുകാലത്തെ ഗതാഗത പ്രശ്നങ്ങളും അതിനെത്തുടര്ന്നുള്ള അവശ്യ വസ്തുക്കളുടെ ദൌര്ലഭ്യവുമായിരുന്നു നിര്മ്മാണഘട്ടത്തിലെ പ്രധാന കടമ്പ,
587 മീറ്ററോളം ദൈര്ഘ്യമുള്ളതും പ്രതിദിനം 10 ദശലക്ഷത്തോളം ലിറ്റര് പ്രവാഹ ശേഷിയുള്ളതുമായ സെറിനാല ജലസ്രോതസ് തുരങ്കത്തില് നിന്നും 350 മീറ്റര് ഉയരത്തില് തുരങ്കത്തിന് മുകളില് കൂടിയാണ് ഒഴുകുന്നത്. 2012 മുതല് 2016 വരെയുള്ള കാലഘട്ടത്തില് അതില് നിന്നും അപ്രതീക്ഷിതമായ നീരൊഴുക്ക് തുരങ്കത്തിനുള്ളില് ഉണ്ടാവുകയും അത് തുരങ്ക നിര്മ്മാണത്തെ സാരമായിബാധിക്കുകയും ചെയ്തു.
മുന് പ്രധാനമന്ത്രി അടല് ബിഹാരി വാജ്പേയിയോടുള്ള ബഹുമാനാര്ത്ഥമാണ് ഈ തുരങ്കത്തിന് അടല് ടണല് എന്ന് പേര് നല്കിയിരിക്കുന്നത്. ജമ്മു കശ്മീരിലെ തന്ത്രപ്രധാന മേഖലകളിലേക്ക് സൈനികരുടെ നീക്കങ്ങള് വേഗത്തിലാക്കാനും ഈ തുരങ്ക പാത സഹായിക്കും.
