ന്യൂഡൽഹി : കോവിഡ് സ്ഥിരീകരിച്ച് ക്വാറന്റൈനിലിരിക്കുമ്പോഴും കുട്ടികൾക്ക് ക്ലാസ്സെടുത്ത് ദുബായിലെ രണ്ട് ഇന്ത്യൻ അധ്യാപകർ. ദുബായിലെ ഗൾഫ് മോഡൽ സ്കൂളിൽ പഠിപ്പിക്കുന്ന മുഹമ്മദ് മൊഹ്സിൻ, ജോസ് കുമാർ എന്നീ അധ്യാപകരാണ് കോവിഡ് ചികിത്സയിലിരിക്കുമ്പോഴും കുട്ടികൾക്ക് ഓൺലൈൻ ക്ലാസുകളെടുക്കുന്നതെന്ന് ഖലീജ് ടൈംസ് റിപ്പോർട്ട് ചെയ്യുന്നു.
കർണാടകക്കാരനായ മുഹമ്മദ് മൊഹ്സിൻ കുട്ടികളെ പഠിപ്പിക്കുന്ന വിഷയം ഗണിത ശാസ്ത്രമാണ്. നിലവിൽ ദുബായ് ഹെൽത്ത് അതോറിറ്റിയുടെ ക്വാറന്റൈൻ കേന്ദ്രത്തിലാണ് മുഹമ്മദ് മൊഹ്സിൻ ഉള്ളത്. ഇന്ത്യയിൽ നിന്നും ദുബായിലേക്കുള്ള യാത്രയിലാണ് തനിക്ക് കോവിഡ് സ്ഥിരീകരിച്ചതെന്നും ക്വാറന്റൈൻ കേന്ദ്രത്തിലേക്ക് ലാപ്ടോപ്പും കൊണ്ടുവരാനായതിനാൽ കുട്ടികൾക്ക് ക്ലാസെടുക്കാൻ കഴിയുന്നുണ്ടെന്നും മൊഹ്സിൻ പറഞ്ഞു.
അതേസമയം, എയർപോർട്ടിൽ ജോലി ചെയ്യുന്ന തന്റെ സുഹൃത്തിൽ നിന്നാണ് കോവിഡ് സ്ഥിരീകരിച്ചതെന്ന് മലയാളിയായ അധ്യാപകൻ ജോസ് വെളിപ്പെടുത്തി. തന്റെ രോഗബാധ കുട്ടികളുടെ പഠിപ്പിനെ ബാധിക്കരുതെന്ന് നിർബന്ധമുള്ളതിനാലാണ് ക്വാറന്റൈനിലിരുന്നും ക്ലാസ്സുകളെടുക്കാൻ തീരുമാനിച്ചതെന്ന് ജോസ് കൂട്ടിച്ചേർത്തു.
Discussion about this post