സ്റ്റോക്ഹോം : ഈ വർഷത്തെ സാമ്പത്തിക ശാസ്ത്ര നൊബേൽ അമേരിക്കൻ സാമ്പത്തിക ശാസ്ത്രജ്ഞരായ പോൾ മിൽഗ്രോമ്, റോബർട്ട് വിൽസൺ എന്നിവർ പങ്കിട്ടു. ലേല സിദ്ധാന്തത്തിൽ പരിഷ്കരണം കൊണ്ടു വന്നതിനും പുതിയ ലേല ഘടനകൾ കണ്ടെത്തിയതിനുമാണ് ഇരുവർക്കും പുരസ്കാരം ലഭിച്ചിരിക്കുന്നത്.
ഇരുവരുടെയും കണ്ടുപിടിത്തങ്ങൾ ലോകമെമ്പാടുമുള്ള വില്പനക്കാർക്കും ഉപഭോക്താക്കൾക്കും നികുതിദായകർക്കും പ്രയോജനകരമായതും നൊബേൽ നിർണായക സമിതി വിലയിരുത്തി. സമ്മാനത്തുകയായി ലഭിക്കുക ഏകദേശം 1.1 ദശലക്ഷം ഡോളറാണ്. റേഡിയോ ഫ്രീക്വൻസി വിൽപനയിൽ ഇവർ കൊണ്ടുവന്ന രീതി ആഗോളതലത്തിൽ ഏറെ ഗുണം ചെയ്തുവെന്ന് സമിതി ചൂണ്ടിക്കാട്ടി. സാമ്പത്തിക ശാസ്ത്രത്തിനുള്ള നൊബേൽ കൂടി പ്രഖ്യാപിച്ചതോടെ ഈ വർഷത്തെ നൊബേൽ പുരസ്കാര പ്രഖ്യാപനം അവസാനിച്ചു.
ആൽഫ്രഡ് നൊബേലിന്റെ ചരമ വാർഷികമായ ഡിസംബർ പത്തിന് നോർവേയിലെ ഓസ്ലോയിൽ നടക്കുന്ന ചടങ്ങിലായിരിക്കും പുരസ്കാരം വിതരണം ചെയ്യുക.
Discussion about this post