മുംബൈ : ബോളിവുഡ് നടൻ സുശാന്ത് സിംഗ് രാജ്പുത് ആത്മഹത്യ ചെയ്ത കേസിൽ അന്വേഷണം അവസാനിപ്പിച്ചിട്ടില്ലെന്ന് സി.ബി.ഐ. സുശാന്ത് സിംഗിന്റെ മരണം ആത്മഹത്യയാണെന്ന് കണ്ടെത്തിയതിനെ തുടർന്ന് സിബിഐ സംഘം കേസ് അന്വേഷണം അവസാനിപ്പിച്ചുവെന്ന് പ്രധാന സാമൂഹികമാധ്യമങ്ങളിലെല്ലാം വ്യാജപ്രചാരണം നടക്കുന്നുണ്ട്.
ഇതു ശരിയാണെന്ന് വിശ്വസിച്ച് ചില മാധ്യമങ്ങൾ കൂടി വാർത്ത റിപ്പോർട്ട് ചെയ്ത സാഹചര്യത്തിലാണ് സിബിഐ സംഘം വിശദീകരണവുമായി രംഗത്തു വന്നത്. 2020 ജൂൺ 14നാണ് ബോളിവുഡ് താരമായ സുശാന്ത് സിംഗ് രാജ്പുത്തിനെ മുംബൈയിലെ വസതിയിൽ തൂങ്ങി മരിച്ച നിലയിൽ കണ്ടെത്തിയത്. തുടർന്ന് നാർക്കോട്ടിക്സ് ബ്യൂറോ നടത്തിയ അന്വേഷണത്തിൽ, ലഹരിമരുന്ന് ഉപയോഗവുമായി ബന്ധപ്പെട്ട് മുൻനിര നടിമാർ അടക്കം ബോളിവുഡിലെ നിരവധി പ്രമുഖരെ കസ്റ്റഡിയിലെടുത്തിരുന്നു.
Discussion about this post