പാറ്റ്ന : ബീഹാറിലെ ഭഗൽപൂരിൽ ബോട്ടപകടം. ഇന്നു രാവിലെ ഭഗൽപൂരിലുള്ള നൗഗാച്ചിയയിൽ നൂറോളം പേർ സഞ്ചരിച്ച ബോട്ട് യാത്രാമദ്ധ്യേ മുങ്ങുകയായിരുന്നു. അപകടത്തിൽ ഒരാൾ മരിച്ചതായാണ് റിപ്പോർട്ടുകൾ.
നിരവധി പേരെ കാണാതായിട്ടുണ്ട്. ബോട്ടിലുണ്ടായിരുന്ന പത്തു പേർ നീന്തി രക്ഷപ്പെട്ടു. യാത്രാബോട്ട് ഗംഗാനദി മുറിച്ചുകടക്കവേയാണ് അപകടമുണ്ടായത്. പോലീസും പ്രാദേശിക ഭരണകൂടവും സംയുക്തമായാണ് രക്ഷാപ്രവർത്തനം നടത്തുന്നത്. സംസ്ഥാന ദുരന്ത നിവാരണ സേനയും സ്ഥലത്തെത്തിയിട്ടുണ്ട്. വിവരമറിഞ്ഞ് നിരവധിയാളുകളാണ് പ്രദേശത്ത് തടിച്ചു കൂടിയിരിക്കുന്നത്.
Discussion about this post