ന്യൂഡൽഹി: നിയുക്ത അമേരിക്കൻ പ്രസിഡന്റ് ജോ ബൈഡന്റെ ദീപാവലി ആശംസകൾ വിവാദം സൃഷ്ടിക്കുന്നു. ദീപാവലി ദിനത്തിൽ ‘സാൽ മുബാറക്’ ആശംസിച്ചതാണ് ജനങ്ങളിൽ പ്രകോപനം സൃഷ്ടിച്ചത്.
‘ദീപങ്ങളുടെ ഉത്സവം ആഘോഷിക്കുന്ന ലക്ഷക്കണക്കിന് ഹിന്ദുക്കൾ, ജൈനന്മാർ, സിഖുകാർ, ബുദ്ധമതക്കാർ എന്നിവർക്ക് ഞാനും ദീപാവലി ആശംസകൾ നേരുന്നു. ഞങ്ങളുടെ പുതുവർഷത്തിൽ പ്രതീക്ഷയും സന്തോഷവും സമൃദ്ധിയും നിറയട്ടെ. ‘സാൽ മുബാറക്’ എന്നാണ് ജോ ബൈഡൻ ട്വിറ്ററിൽ ആശംസിച്ചത്. എന്നാൽ, മുബാറക്ക് ഇസ്ലാമിക രീതിയിലുള്ള ആശംസയാണെന്ന് ചൂണ്ടിക്കാട്ടിയാണ് പലരും രംഗത്തു വന്നത്.
പക്ഷേ, ‘സാൽ മുബാറക്’ കുറച്ചു വ്യത്യസ്തമാണ്. ഗുജറാത്തിലെ പുതുവത്സരാഘോഷവുമായി ബന്ധപ്പെട്ടതാണ് ‘സാൽ മുബാറക്’ എന്ന പദം. ദീപാവലിയുടെ തൊട്ടടുത്ത ദിവസമാണ് ഗുജറാത്തിലെ പുതുവത്സരം. പാഴ്സികൾ, ഹിന്ദുക്കൾ, ജൈനന്മാർ, സിഖ് മതസ്ഥർ എന്നിവരും ഇത് ആഘോഷിക്കും.
To the millions of Hindus, Jains, Sikhs, and Buddhists celebrating the Festival of Lights, @DrBiden and I send our best wishes for a #HappyDiwali. May your new year be filled with hope, happiness, and prosperity. Sal Mubarak.
— Joe Biden (@JoeBiden) November 14, 2020
Discussion about this post