തിരുവനന്തപുരം: സംസ്ഥാനത്ത് ഇന്ന് 5772 പേർക്ക് കൊവിഡ് ബാധ സ്ഥിരീകരിച്ചു. ഇന്ന് കൊവിഡ് മൂലം 25 മരണങ്ങളും സംസ്ഥാനത്ത് റിപ്പോർട്ട് ചെയ്തു. ഇതോടെ സംസ്ഥാനത്തെ ആകെ മരണസംഖ്യ 2000 കടന്നു. ഇന്ന് രോഗബാധ സ്ഥിരീകരിച്ചവരിൽ 4989 പേർക്ക് സമ്പർക്കത്തിലൂടെയാണ് രോഗം ബാധിച്ചത്. സംസ്ഥാനത്ത് ഇതു വരെ 2022 പേർ കൊവിഡ് മൂലം മരണമടഞ്ഞു. ടെസ്റ്റ് പോസിറ്റിവിറ്റി നിരക്ക് 9.59 ശതമാനമാണ്.
എറണാകുളം 797, മലപ്പുറം 764, കോഴിക്കോട് 710, തൃശൂര് 483, പാലക്കാട് 478, കൊല്ലം 464, കോട്ടയം 423, തിരുവനന്തപുരം 399, ആലപ്പുഴ 383, പത്തനംതിട്ട 216,കണ്ണൂര് 211, ഇടുക്കി 188, വയനാട് 152, കാസര്ഗോഡ് 104 എന്നിങ്ങനേയാണ് ജില്ല തിരിച്ചുള്ള ഇന്നത്തെ കൊവിഡ് കണക്കുകൾ.
ഇന്ന് രോഗബാധ സ്ഥിരീകരിച്ചതിൽ 639 പേരുടെ സമ്പര്ക്ക ഉറവിടം വ്യക്തമല്ല. 53 ആരോഗ്യ പ്രവര്ത്തകര്ക്കാണ് ഇന്ന് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 6719 പേരുടെ പരിശോധനാഫലം നെഗറ്റീവ് ആയി.
ഇന്ന് 6 പുതിയ ഹോട്ട് സ്പോട്ടുകളാണുള്ളത്. 3 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. ഇതോടെ ആകെ 560 ഹോട്ട് സ്പോട്ടുകളാണ് സംസ്ഥാനത്ത് ഉള്ളതെന്ന് ആരോഗ്യ വകുപ്പ് മന്ത്രി കെ കെ ശൈലജ അറിയിച്ചു.
