പാരീസ്: നിങ്ങളെ സ്വാഗതം ചെയ്ത, പൗരത്വം നൽകിയ രാജ്യത്തെ സംരക്ഷിക്കേണ്ടത് നിങ്ങളുടെ കടമയാണെന്ന് ഫ്രാൻസിലെ മുസ്ലീമുകൾക്ക് നിർദ്ദേശം നൽകി രാജ്യത്തെ സുന്നി കോർട്ട് ചെയർമാൻ. മതഭ്രാന്തന്മാരുടെ എതിർപ്പ് വകവെക്കാതെ ഫ്രാൻസ് ഭരണകൂടത്തിനോട് ചുമതലകൾ കൃത്യമായി നിറവേറ്റാനും അദ്ദേഹം ആവശ്യപ്പെട്ടു.
ഫ്രാൻസിലെ ഉന്നത ഇസ്ലാം പണ്ഡിതനും ബെയ്റൂട്ടിനടുത്തുള്ള സൈദയിലെ ഏറ്റവും വലിയ പള്ളിയുടെ ഇമാമുമായ ഷെയ്ഖ് മുഹമ്മദ്‌ അബു സൈദാണ് ഇത്തരത്തിലൊരു സന്ദേശം നൽകിയത്. മതഭ്രാന്തന്മാരുടെ എതിർപ്പവഗണിച്ച് ഫ്രാൻസിലെ സ്വകാര്യ മസ്ജിദുകളും മദ്രസകളും തീർച്ചയായും പരിശോധിക്കണമെന്ന് അദ്ദേഹം പറഞ്ഞു.
“ഫ്രാൻസിൽ സ്വകാര്യമായി ജോലി ചെയ്യുന്ന ഇമാമുകൾ നടത്തുന്ന 2,600 ഓളം പള്ളികളും പ്രാർത്ഥനാ മുറികളുമുണ്ട്. അവ അധികൃതർ ഇതുവരെ പരിശോധിച്ചിട്ടില്ല. ഇവയെല്ലാം തീർച്ചയായും ചുമതലയുള്ള ഉദ്യോഗസ്ഥർ പരിശോധിക്കണം. ഉത്തരവാദിത്വവും നീണ്ടകാല പരിചയമുള്ള ഒരു വ്യക്തിയെന്ന നിലയിൽ ഇതാണ് ശരിയായ മാർഗ്ഗമെന്ന് ഞാൻ കരുതുന്നു”-ഷെയ്ഖ് മുഹമ്മദ്‌ അബു സൈദ് കൂട്ടിച്ചേർത്തു.
മാത്രമല്ല, മതഭ്രാന്തന്മാർ തന്നെ ദുർബലനെന്നും ഫ്രഞ്ച് അധികാരികൾക്കു വഴങ്ങുന്നുവെന്ന് ആരോപിച്ചേക്കാമെങ്കിലും താൻ അതൊന്നും കാര്യമാക്കുന്നില്ലെന്നും അദ്ദേഹം വ്യക്തമാക്കി.
Discussion about this post