കോഴിക്കോട്: തദ്ദേശ തിരഞ്ഞെടുപ്പിലേക്കുള്ള മൂന്നാംഘട്ട വോട്ടെടുപ്പ് പൂര്ത്തിയായി. 78 ശതമാനത്തിന് മുകളിലാണ് പോളിംഗ് രേഖപ്പെടുത്തിയത്. കാസര്ഗോഡ്, കണ്ണൂര്, കോഴിക്കോട്, മലപ്പുറം എന്നീ ജില്ലകളിലാണ് അവസാനഘട്ട തിരഞ്ഞെടുപ്പ് നടന്നത്. ഒരിടത്തും റീ പോളിംഗ് ഇല്ലെന്നും സമാധാനപരമായി വോട്ടെടുപ്പ് പൂര്ത്തിയാക്കാന് സാധിച്ചെന്നും സംസ്ഥാന തിരഞ്ഞെടുപ്പ് കമ്മീഷന് അറിയിച്ചു. പതിനാറാം തീയതിയാണ് വോട്ടെണ്ണല്.
മൂന്നാംഘട്ടത്തിലാണ് ഏറ്റവും കൂടുതല് പോളിംഗ് രേഖപ്പെടുത്തിയത്. മലപ്പുറവും കോഴിക്കോടുമാണ് പോളിംഗ് ശതമാനത്തില് മുന്നില്. രണ്ടിടത്തും 78.1 ശതമാനമാണ് പോളിംഗ് ശതമാനം. കണ്ണൂര് 77.6, കാസര്കോട് 76.3. കോഴിക്കോട് കോര്പറേഷനില് 64.4 ശതമാനവും കണ്ണൂര് കോര്പറേഷനില് 63 ശതമാനവുമാണ് പോളിംഗ്. മുന്സിപ്പാലിറ്റികളില് കണ്ണൂരിലെ ആന്തൂരിലാണ് ഉയര്ന്ന പോളിംഗ് രേഖപ്പെടുത്തിയത്, 85 ശതമാനം. മുഖ്യമന്ത്രിയും മന്ത്രിമാരും അടക്കമുള്ള പ്രമുഖര് ആദ്യ മണിക്കൂറുകളില് വോട്ട് രേഖപ്പെടുത്തി.
Discussion about this post