ഡൽഹി: ഹത്രാസ് കൊലപാതകത്തിന് കാരണം പ്രണയ നൈരാശ്യമെന്ന് കണ്ടെത്തൽ. കൊല്ലപ്പെട്ട പെൺകുട്ടിയും പ്രതിയായ സന്ദീപും തമ്മിൽ ദീർഘകാലമായി പ്രണയത്തിലായിരുന്നു. ഇവർ തമ്മിലുള്ള പ്രണയ ബന്ധത്തിലുണ്ടായ പ്രശ്നങ്ങളാണ് കൊലപാതകത്തിൽ കലാശിച്ചതെന്നാണ് സിബിഐ കണ്ടെത്തിയിരിക്കുന്നത്. കേസിൽ സിബിഐ കുറ്റപത്രം സമർപ്പിച്ചു.
കൊല്ലപ്പെട്ട പെൺകുട്ടിയും സന്ദീപും തമ്മിൽ കഴിഞ്ഞ മാർച്ച് വരെ ബന്ധം പുലർത്തിയിരുന്നു. പിന്നീട് ബന്ധത്തിൽ നിന്ന് പെൺകുട്ടി അകന്നതാണ് പ്രശ്നങ്ങൾക്ക് കാരണമെന്നാണ് സിബിഐ കണ്ടെത്തിയിരിക്കുന്നത്.
പ്രണയ ബന്ധത്തിന്റെ പേരിൽ പെൺകുട്ടിയുടെ സഹോദരനും സന്ദീപും തമ്മിൽ പല തവണ വാക്കുതർക്കം ഉണ്ടായിരുന്നു. ഇത് സാധൂകരിക്കുന്ന മൊബൈൽ ഫോൺ റെക്കോർഡുകൾ സിബിഐക്ക് ലഭിച്ചു. പ്രണയ ബന്ധത്തിന്റെ പേരിൽ ബന്ധുക്കളും സഹോദരനും പെൺകുട്ടിയെ ഭീഷണിപ്പെടുത്തിയിരുന്നതായും മർദ്ദിച്ചിരുന്നതായും നേരത്തെ ആരോപണങ്ങൾ ഉണ്ടായിരുന്നു.
Discussion about this post