പശ്ചിമ ബംഗാളിലെ സിപിഐഎം-കോണ്‍ഗ്രസ് സഖ്യത്തിന്റെ രാഷ്ട്രീയ ലക്ഷ്യം ബിജെപി സംസ്ഥാനത്ത് അധികാരത്തില്‍ എത്തുന്നത് തടയുകയാണെന്ന് സിപിഐഎം ദേശീയ ജനറല്‍ സെക്രട്ടറി സീതാറാം യെച്ചൂരി. സിപിഐഎം- കോണ്‍ഗ്രസുമായി സഖ്യം ഉണ്ടാക്കിയതിനെ വിമര്‍ശിക്കുന്നത് രാഷ്ട്രീയമായി ദുഷ്ടലാക്കുള്ളവരാണെന്നും യെച്ചൂരി കൂട്ടിച്ചേർത്തു. പശ്ചിമ ബംഗാള്‍ സിപിഐഎമ്മിന്റെ സംസ്ഥാന സമിതി യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു യെച്ചൂരി.
കോണ്‍ഗ്രസ് സഖ്യം ബിജെപിയെ തടയാന്‍ അനിവാര്യം ആയപ്പോള്‍ സഖ്യം തീരുമാനിക്കുകയായിരുന്നു. ഇക്കാര്യത്തില്‍ ആരും അസ്വസ്ഥരാകേണ്ടെന്നും സിപിഐഎം- കോണ്‍ഗ്രസ് സഖ്യം പശ്ചിമ ബംഗാളില്‍ അധികാരത്തില്‍ എത്തും എന്നും യെച്ചൂരി പറഞ്ഞു. ഭരണവിരുദ്ധ വികാരം നിലനില്‍ക്കുന്നതിനാല്‍ തൃണമൂല്‍ കോണ്‍ഗ്രസുമായി സഖ്യത്തിനില്ലെന്നും സിപിഎം ജനറല്‍ സെക്രട്ടറി സീതാറാം യെച്ചൂരി പറഞ്ഞു .
സംസ്ഥാന സമിതിക്ക് ശേഷം പശ്ചിമ ബംഗാളിലെ ഇടത് സഖ്യ കക്ഷികളുടെ യോഗവും യെച്ചൂരിയുടെ സാന്നിധ്യത്തില്‍ ചേര്‍ന്നു.കഴിഞ്ഞ മാര്‍ച്ചിന് ശേഷം ആദ്യമായിട്ടാണ് സിപിഎം സംസ്ഥാന സമിതി നേരിട്ട് സമ്മേളനം നടത്തുന്നത് . കോണ്‍ഗ്രസുമായി സീറ്റ് പങ്കുവെയ്ക്കല്‍ സംബന്ധിച്ച ചര്‍ച്ചകള്‍ തുടങ്ങിയതായി യെച്ചൂരി സ്ഥിരീകരിച്ചു. സംസ്ഥാന സമിതിക്ക് ശേഷം ഇടത് സഖ്യകക്ഷികളും യോഗം ചേര്‍ന്നിരുന്നു.
Discussion about this post