ഡൽഹി: കർഷക നിയമങ്ങൾ നടപ്പിലാക്കുന്നത് താത്കാലികമായി നിർത്തി വെച്ച് കൂടേയെന്ന് കേന്ദ്ര സർക്കാരിനോട് ആരാഞ്ഞ് സുപ്രീം കോടതി. കേന്ദ്രവും സമരം ചെയ്യുന്നവരും തമ്മിൽ നടക്കുന്ന ഇടപെടലുകളിൽ നിരാശയുണ്ടെന്നും കോടതി അറിയിച്ചു.
നിയമങ്ങൾ താത്കാലികമായി നിർത്തി വെക്കണമെന്നാണ് പറയുന്നതെന്നും എന്നാൽ അവ പൂർണ്ണമായി പിൻവലിക്കണമെന്ന് ഇതിന് വ്യാഖ്യാനമില്ലെന്നും കോടതി വ്യക്തമാക്കി. കർഷക നിയമങ്ങൾ നടപ്പിലാക്കുന്നതുമായി ബന്ധപ്പെട്ട് സമിതി രൂപവത്കരിക്കണമെന്നും സമിതിയുടെ അഭിപ്രായപ്രകാരമേ നിയമവുമായി ബന്ധപ്പെട്ട നിർണ്ണായക തീരുമാനങ്ങൾ എടുക്കാവൂവെന്നും കോടതി പറഞ്ഞു.
കർഷക നിയമങ്ങൾ നടപ്പിലാക്കുന്നതുമായി ബന്ധപ്പെട്ട് ജനുവരി പതിനഞ്ചിന് ഒമ്പതാം വട്ട ചർച്ച നടക്കാനിരിക്കെയാണ് വിഷയത്തിൽ സുപ്രീം കോടതിയുടെ നിർണ്ണായക ഇടപെടൽ.
Discussion about this post