ദേശീയ യൂത്ത് പാർലമെന്റിലെ പ്രസംഗ മികവ്; പത്തനംതിട്ട സ്വദേശിനി മുതാസിന് അഭിനന്ദനവുമായി പ്രധാനമന്ത്രി

ഡൽഹി: ദേശീയ യൂത്ത് പാർലമെന്റിലെ പ്രസംഗ മികവിന് മലയാളി വിദ്യാർത്ഥിനിക്ക് പ്രധാനമന്ത്രിയുടെ അഭിനന്ദനം. ദേശീയ യൂത്ത് പാർലമെന്റ് ആഘോഷത്തിൽ കേരളത്തിൽ നിന്നുള്ള മുംതാസ് എസിന്റെ പ്രസംഗം ആശയസമ്പുഷ്ടവും ഗംഭീരവുമായിരുന്നു എന്നാണ് പ്രധാനമന്ത്രി നരേന്ദ്ര മോദി ട്വീറ്റ് ചെയ്തത്. മുംതാസിന്റെ പ്രസംഗത്തിന്റെ യൂട്യൂബ് വീഡിയോ ലിങ്കും പ്രധാനമന്ത്രി പങ്കു വെച്ചിട്ടുണ്ട്.

Mumthas S. from Kerala is both eloquent and expressive in her speech at the National Youth Parliament Festival. https://t.co/R8To68yEqo

— Narendra Modi (@narendramodi) January 12, 2021

Stories you may like

പിണറായിയുടെ ആ ഒരൊറ്റ ബോർഡ് കളിപ്പിച്ചു; പാർട്ടിക്കുള്ളിൽ പുകഞ്ഞ് കനൽ!” തെരഞ്ഞെടുപ്പ് തോൽവിയിൽ കടുത്ത വിമർശനമുണ്ടെന്ന് സമ്മതിച്ച് ബിനോയ് വിശ്വം;

“വളർത്തിയ ഭീകരമൃഗം സ്വന്തമായി കടിക്കുമ്പോൾ നെട്ടോട്ടമോടുന്ന രാജ്യം!” യുഎന്നിൽ പാകിസ്താനെ ‘ഫ്രാങ്കൻസ്റ്റൈൻ’ എന്ന് വിളിച്ച് ഇന്ത്യയുടെ തകർപ്പൻ മറുപടി

അരുവിത്തുറ സെന്റ്‌ ജോർജ് കോളജിലെ ബിഎ ഇംഗ്ലിഷ് മൂന്നാം വർഷ വിദ്യാർഥിനിയാണ് മുംതാസ് എസ്. ജില്ലാ–സംസ്ഥാന തല പ്രസംഗ മത്സരങ്ങളിൽ ഒന്നാം സ്ഥാനം ലഭിച്ചതോടെയാണ് മുംതാസിന് പാർലമെന്റിലെ സെൻട്രൽ ഹാളിൽ നടന്ന മത്സരത്തിൽ പങ്കെടുക്കാൻ അവസരം ലഭിച്ചത്.

എംജി സർവകലാശാലയിലെ മികച്ച എൻഎസ്‌എസ്‌ വൊളണ്ടിയറായി 2019-20ൽ തെരഞ്ഞെടുക്കപ്പെട്ട മുംതാസ് പത്തനംതിട്ട സ്വദേശികളായ ഇ.ഷാജി– റഷീദ ദമ്പതികളുടെ മകളാണ്. ‘സാർവത്രിക അടിസ്ഥാന വരുമാന പദ്ധതി’ എന്ന വിഷയത്തിലായിരുന്നു പ്രസംഗം.